بريد الوطن| فاتح دراعاتك
بريد الوطن| فاتح دراعاتك
فاتح دراعاتك للدنيا
طيب.. بأمارة إيه؟
بأمارة الضحكة المرمية
فى حضن الأحزان؟
بأمارة اللحد المفتوح
الدايب حرمان؟
بأمارة بكره اللى بتستناه
من غير عنوان؟
بأمارة إيه؟
بأمارة كل اللى باعوك
وشالوك حتى من الذكرى
ومن الصور المرمية
فى حضن الحيط؟
بأمارة ما سابوك
وسط العفاريت
مش لاقى لا سقف يغطيك
ولا بيت؟
بأمارة شريانك اللى انت
فتحته زمزم حجاج؟
بأمارة إيدك لما تطبطب
على كل جراحهم
وتروحهم وسط ضلوعك
ولا واحد فيهم حس بجوعك؟
غيّر موضوعك..
الناس ملت حكاياتك
أشرف الشناوى
البرامون- المنصورة
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
