أسامة كمال يستعين بمقدمته في "القاهرة والناس" لإحياء ذكرى "3 يوليو"

10:38 م | الثلاثاء 03 يوليو 2018

خصص الإعلامي أسامة كمال، مقدم برنامج مساء "dmc"، مقدمته، خلال حلقة الثلاثاء، في افتتاحية برنامجه للأسبوع الحالي، لإحياء ذكرى 3 يوليو 2013 مستعرضًا الأحداث منذ فوز محمد مرسي برئاسة الجمهورية عام 2012 وحتى يوم الذكرى.

وقال "كمال"، الذي استعان بإحدى حلقات برنامجه السابق "القاهرة 360" على فضائية "القاهرة والناس": "يومها مقدمة برنامجي القاهرة 360 اللي عادة بتكون ما بين 50 و100 كلمة، كانت من تلات كلمات بس، كانت "كلمة السر ماتستعجلوش".

وأضاف: "يوم ما فاز محمد مرسي برئاسة الجمهورية في 2012 كنت في التليفزيون المصري، ووقتها قلت الشعب فوق الحكومة والشعب فوق الرئيس، وده على فكرة ولا كان توقع لشيء ولا نبوءة ولا أي كلام من اللي فيه ادعاء بطولة".

وتابع: "الواحد كان حزين زي ناس كتير مش على الاختيار اللي عمله اللي انتخبوا مرسي، لأن دة حقهم في الاختيار عن قناعة أو غير قناعة، لكن على اللي طلعوا الساحل وفرطوا في حق نفسهم وحق البلد إن اختياراتها تبقى أفضل وقالوا مكناش متخيلين..".

وأوضح كمال، أن كلمته بأن "الشعب فوق الرئيس"، كانت رسالة فحواها:"يا إما يشتغل الرئيس لصالح الشعب، يا إما الشعب فوق الرئيس، وكنت في برنامجي من رواد الاتحادية، يعني الشارع اللي قدام الاتحادية قبل ما جموع الناس تبقى موجودة، لما كان فيه ناس معسكرين طول الوقت هناك، الناس اللي اقتحموهم الإخوان وولعوا في خيامهم في موقعة جبنة نستو يا معفنين..".