مساج وساونا وماسكات فى ليلة العمر: ادلع يا عريس

10:41 م | الثلاثاء 19 يونيو 2018

لم يعد استعداد العريس لحفل زفافه يقتصر على حلاقة الشعر والذقن، وينتهى منها فى وقت وجيز قبل الفرح، إنما بات مطالباً بالتفرغ لمدة يوم أو يومين للخضوع لجلسات عناية بالبشرة وتجميل تنافس تحضيرات العروسة. «تكييس، ساونا، جاكوزى، طمى تركى للبشرة، حمام كريم للشعر»، هى بعض العروض التجميلية التى يقدمها حمام خاص بالرجال بمنطقة شيراتون، للعرسان فى ليلة العمر، حيث يخضعون لعدد من الجلسات، وفقاً لاحتياج كل فرد والتجهيزات التى يفضلها قبل الزفاف: «فيه ناس بتحتاج وقت أطول للخضوع لجلسات الترطيب لجسمها وبشرتها، ممكن تمتد ليومين، وفى أوقات تانية بنكثف كل حاجة فى يوم واحد»، بحسب أحمد الديب، مدير الفرع.

تكلفة «باكيدج» العريس أقل كثيراً من العروس، بحسب «الديب»: «1000 جنيه كافية لعمل ماسك الطمى المغربى و3 ماسكات للوش وآخر للجسم يستمر تأثيره لمدة 4 أيام، وماسك للشعر»، حيث يقوم العرسان بالحجز قبل موعد الزفاف بأسبوع على الأكثر، للانتهاء من كل التفاصيل ويخضع لمختلف الجلسات، التى يحتاجها للظهور فى أبهى صورة.

استمتاع العريس بقسط من الاسترخاء والراحة قبل الزفاف، مهم جداً، ومن أجله جاءت فكرة إخضاعه لجلسات المساج: «مفيش حد دلوقتى بيتجوز من غير الجلسات دى. زى العروسة بالظبط».

«الديب» يرى أن طلة العريس مهمة جداً، وتحتاج للعناية بالجسم والشعر والوجه قبل الزفاف بفترة: «من غير الماسكات هيبان لونه شاحب ويظهر اسمرار تحت عينيه، وده شىء سيئ جداً».