عفاف شعيب تستنكر انتشار بعض الألفاظ السيئة في المسلسلات
عفاف شعيب تستنكر انتشار بعض الألفاظ السيئة في المسلسلات
استنكرت الفنانة عفاف شعيب انتشار بعض الألفاظ والمشاهد، والتي يقلدها المشاهدون فيما بعد باعتبار الممثل قدوة لهم.
وأضافت أثناء حوارها مع الإعلامي وائل الإبراشي في برنامجه "العاشرة مساء" المذاع عبر فضائية "دريم": "الناس بتقتدي بالفنانين بدليل إن فيه حاجات اتقلدت كان بيقدمها فنانين وإنهم يشيلوا سنج وسكاكين".
وتابعت: "زمان مكنش ده موجود والشارع اتعلم وعاوزين نعلم الشارع الصح والشيء الراقي والمحترم".
وأشارت: "العيال الصغيرين بيلقطوا أي كلمة وبيتعلموها وسمعت ابن أخويا بيقول كلمة قولت له تعالى أنت عرفتها منين قالي سمعتها من محمد رمضان".
العيال بتلقط أي حاجة وعاوزينهم يلقطوا الحاجت الكويسة اللي تفيدهم، واللي تنمي جواهم حاجات كويسة، ومينفعش نطلع جيل كله بيشتم وبيقول ألفاظ مش كويسة ده مش مجتمعنا إحنا مجتمع كويس".
