كحك العيد بالألوان الطبيعية.. يخلق من الطعم أربعين

11:41 م | الجمعة 08 يونيو 2018

مع اقتراب عيد الفطر، يتفنّن المصريون فى عمل المعجنات، وعلى رأسها الكحك، ليطل علينا كل عام بتقليعات وحشوات مختلفة، كان آخرها المغطى بالشيكولاتة والمحشو بخلطة النوتيلا الشهية، إلى جانب طبق كحك بالألوان المبهجة يجذب الأنظار ويفتح الشهية.

بسمة ممدوح، مهندسة، وأدمن صفحة شهيرة لعمل حلوى بالشيكولاتة، قررت منذ أسبوعين عمل كحك العيد بطريقة مختلفة، فأخذت تجرب مكونات عديدة للاستقرار على الوصفة النهائية: «زودت كمية الكاكاو فاتفاجئت بمرارة، ولما قللته وزودت السكر كان حلو أكتر من اللازم، فقعدت أجرب لحد ما وصلت للتكات الأساسية والمقادير المظبوطة اللى تطلع الكحك ناعم وبنكهة الشوكليت». ثلاثة أنواع ابتكرتها «بسمة» لكحك الشيكولاتة: «النوع الأول من الكحك مصنوع من العجينة العادية ومحشى شيكولاتة ومكسرات، النوع التانى عجينته فيها كاكاو ومحشى شيكولاتة نوتيلا، إما النوع الثالث فهو متغطى بالشوكليت من بره»، وحسب «بسمة» فإن الإقبال على الكحك بالنوتيلا كان كبيراً، خاصة من قِبَل عشاق الشيكولاتة.

أسعار متفاوتة حدّدتها «بسمة» لكيلو الكحك، تتراوح بين 90 و130 جنيهاً: «الشيكولاتة أصلاً كخامة سعرها مرتفع، وأنا باستخدم أنواع خامات مستوردة، وده بيغلى السعر».

«الكحك بالألوان» اختراع جديد توصلت إليه سارة رمضان، وتعيش فى محافظة المنوفية، لاستقبال العيد بأجواء من البهجة، وترى أن الإقبال عليه كبير، وانتشرت الفكرة بين ربات البيوت، وعلى صفحات الطبخ المختلفة.