حلاق مسيحي يزين محله بفانوس: "رمضان بيجمعنا كلنا"
حلاق مسيحي يزين محله بفانوس: "رمضان بيجمعنا كلنا"
- المسلمين والمسيحيين
- شهر رمضان
- فوانيس رمضان
- فى مصر
- كل سنة
- مدينة أسوان
- مكان العمل
- آيتن
- أذان المغرب
- المسلمين والمسيحيين
- شهر رمضان
- فوانيس رمضان
- فى مصر
- كل سنة
- مدينة أسوان
- مكان العمل
- آيتن
- أذان المغرب
"وحوي يا وحوي.. رمضان كريم على المسلمين والمسيحيين، أنا مسيحي وأنتظر شهر رمضان من السنة للسنة، ده شهر خير وفرحة على الكل".. كلمات مصحوبة بملامح الفرحة بشهر رمضان الكريم قالها فادي سليمان حبيب، 32 سنة صاحب محل كوافير للرجال بمنطقة الشيخ هارون بمدينة أسوان، مضيفا: "أنا سعيد بشهر رمضان لدرجة إني لازم أشتري فوانيس رمضان بأشكالها المتنوعة لبناتي وكمان لازم أزين مكان العمل بفوانيس وإضاءة رمضان".
وتابع: "أنا لي ذكريات حلوة كثير مع إخوتي المسلمين في كل حتة، وشهر رمضان ده يعني مثلا لن أنسى أيام الجيش اللي قضيتها مع إخوتي المسلمين في أحد مطارات الإسماعيلية، وكنت أحب أشارك معاهم ونلم فلوس ونجيب حاجات حلوة على الفطار والسحور وساعات لما كنت أجوع أفطر معاهم على المغرب، رمضان شهر جميل وكريم والكل بياكل ويشارك الفرحة حتى المسلسلات والبرامج بنسمعها مع بعض، أنا محل عملي في الشيخ هارون وعلى ناصيته قهوة لازم مع الفطار ومع أذان المغرب نفطر كلنا من خيرات الله لحوم وفراخ ومكرونات وعصائر فعلا رمضان بيجمعنا كلنا".
وأوضح لـ"الوطن": "الكلام كثير عن رمضان والشهر الكريم والناس ممكن تقول إزاي مسيحي وبيفرح برمضان، لكن أنا أقولهم احنا إخوة للمسلمين وبنفرح لفرحهم وبنزعل لزعلهم لأن مصر دي بلدنا كلنا ونستظل بسمائها ونعيش على أرضها كشعب واحد ودم واحد لا يفرقنا إلا الموت، وساعات كثير لما يكون عندي مريض أخويا المسلم بيتبرع بدمه، وأنا مبتأخرش بدمي لأي حد كلنا واحد وبنكمل بعض، أنا أتربيت في منطقة المحمودية على أنه مفيش فرق بين مسلم ومسيحي، وحابب أقول للمصريين مسلميين ومسيحيين، كل سنة وانتم طيبين ورمضان يجمعنا على خير".
