بريد الوطن| يا خال
بريد الوطن| يا خال
وهلّ الهلال
خُد الفلوس
وادّينى بيهم كام فانوس
والبلح والعرقسوس
أهو جه وعاد
فى المعاد
زمن الحلاوة زمن الجمال
يا خال يا خال
الشوارع زى العريس
والبيوت زى العروسة
ومهرها مليون فانوس
والزفة حلوة من غير بليس
وحمّل وشيل
من الخير جمال
ويا خال يا خال
ويا رب ماتحرمناش أجره
واقبلنا مع اللى تابوا
واكتب لنا على بابه
نحج بيتك وكل أحبابه
يا كريم وصاحب الجلال
يا أمة المسلمين
السكة لو دايماً يمين
بالعدل والرحمة
هتكونى
أعظم بنّايين
البنّا مش بس مال
يا خال يا خال
جمال اليمنى
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
