الشيف علاء الشربينى: مش بساعد مراتى فى المطبخ.. المساعد ربنا
الشيف علاء الشربينى: مش بساعد مراتى فى المطبخ.. المساعد ربنا
- أكل صحى
- أكلات جديدة
- السى فود
- السياحة والفنادق
- الشيف علاء الشربينى
- تعمل إيه
- خطوة بخطوة
- على الهوا
- أرضى
- أسر
- أكل صحى
- أكلات جديدة
- السى فود
- السياحة والفنادق
- الشيف علاء الشربينى
- تعمل إيه
- خطوة بخطوة
- على الهوا
- أرضى
- أسر
نشأ فى أسرة تعشق المطبخ، لم يرتكن على اسم والده ليذلل له الصعاب ويسلط عليه الأضواء، إنما طور من أدائه فى وقت قصير، وحجز مكاناً لنفسه فى قلوب الجمهور بذكائه ومهاراته ومحاولته تقديم وجبات جديدة ومبتكرة بمقادير بسيطة، حتى حصل على لقب «ابنى» من قبل السيدات اللاتى يتابعن برنامجه اليومى بسبب بساطته وحبه لمساعدة الغير.
{long_qoute_1}
ما سر عشقك للمطبخ؟
- اتربيت فى بيت كله بيحب الطبخ. والدى بيشتغل فى المجال ومن قبله جدى، وده شجعنى أدخل كلية السياحة والفنادق، وآخد كورسات مختلفة فى الطبخ وفى مجال المشتريات، واتدربت فى مجموعة من الفنادق الكبرى، لحد ما ظهرت فى الإعلام.. يعنى الموضوع له جانب وراثى، وجانب تانى يتمثل فى حبى للكار ده.
متى دخلت المطبخ لأول مرة فى حياتك؟
- كنت صغير ماكملتش 14 سنة. وقفت مع أمى فى المطبخ عشان أراقب وأشوف بتعمل إيه. أول أكلة عملتها معاها كانت كفتة وفراخ، والحقيقة أمى ضافت ليا كتير فى المجال ده، واستفدت من خبراتها هى ووالدى.
كيف تخترع أكلات جديدة؟
- باحاول أجدد وأتمرد على روتين الطبخ، وأدخل تفاصيل جديدة فى كل أكلة بعملها، عشان يكون ليها طابع ومذاق مختلف، وبحاول كمان أمصر بعض الأكلات من المطابخ الأخرى السورى واللبنانى والهندى والمطبخ الأوروبى، لترضى الذوق المصرى فى الأكل.
ما أغرب موقف تعرضت له فى برنامجك على الهواء؟
- مرة أمى كلمتنى فى مداخلة هاتفية على الهواء، كنت بشبه على صوتها فى بداية المكالمة لحد ما اتأكدت منه، وفرحتنى أكتر لما أعلنت إنها متبرعة بعمرتين للناس اللى نفسها تطلع. أمى هى كل حاجة فى حياتى أنا وإخواتى.. هى اللى عملتنى.
هل تساعد زوجتك فى البيت والمطبخ؟
- إطلاقاً.. ده أنا عايز اللى يساعدنى.. البيت مسئولية مراتى، هى اللى بتطبخ، وطبعاً بتابع برنامجى، لكن ليها حركاتها وشخصيتها فى المطبخ، مش ضرورى تعمل أكلاتى.
هل فعلاً أقرب طريق لقلب الراجل معدته؟
- طبعاً وبشدة.. مش الراجل بس أى حد، إحنا شعب بيحب الأكلة الحلوة وبتشده.
هل فشلت وصفة لك على الهواء؟
- مابتوصلش لكده لأن معايا فريق إعداد ومخرج بينبهونى لو سرحت، وبيتابعوا الأكل معايا خطوة بخطوة. لدرجة إنى طول الحلقة بقول اسم المخرج «شفيق» على الهواء، والناس حفظت اسمه.
أيهما تفضل: والدتك.. مطبخك أم وصفات والدك؟
- بحس إنها بتحب أكلى أكتر، ودائماً بتأكل من إيدى. ماعرفش دى مجاملة ولا لأ، بس ابنها بقى وبتدلعنى.
ما الأكلة التى تفضل طهيها مع أصدقائك؟
- السمك، وأكلة السى فود بالنسبة لى عشق.
ما الوصفة التى يطلبها منك الجمهور باستمرار؟
- مكرونة بالبشاميل.. كل ما أعملها يطلبوها تانى.
هل تتذكر لحظة وقوفك لأول مرة أمام الكاميرا؟ وهل استفدت من والدك؟
- كان عندى رهبة من الجمهور مش الكاميرا، لأنى باحترم المشاهد وعايز أقدم له أحسن حاجة عندى، وطبعاً استفدت من متابعتى لوالدى من زمان، إزاى تكون متواضع وتتصرف بحكمة فى المواقف اللى بتقابلك على الهواء، واتعلمت منه إنى أرضى الجمهور وأقدمه له اللى محتاجه.
هل تود أن تورث المهنة لأولادك؟
- هى مهنة محترمة ومستقبلها كويس جداً للمتفوق والذكى، ولو هما مستقبلاً حابين نفس المجال، بالتأكيد مش هعارض، لكن أكيد كل جيل بيغير فى المهنة على حسب تفكيره.
ما أنواع أوانى الطهى التى تنصح الجمهور باستخدامها؟
- الأنواع اللى فيها مادة عازلة، لأنها بتحتفظ بالأكل صحى، وفيه أنواع جديدة يبتعدوا عنها لأنها بتسخن جداً وبتلسع الأكل.
هل تدخل فى منافسة مع والدك خاصة أن البرنامجين يعرضان فى توقيت واحد؟
- إطلاقاً هو من أكبر الشيفات وله خبرة كبيرة فى المجال، وماينفعش عشان أنا نجحت أقول إنى بنافسه، المواعيد اتفقت بالصدفة مش أكتر.
