«ميجان».. أميرة تعزف على أوتار البساطة

أثارت الممثلة الأمريكية ميجان ماركل، الجدل على مواقع التواصل الاجتماعى بسبب اللوك البسيط، الذى ظهرت به فى حفل زفافها الملكى، بين مؤيد ومعارض اختلفت ردود الفعل حتى أصبح «لوك ميجان»، حديث الساعة، البعض يرى أن بساطتها أظهرت جمالها وجعلت منها عروساً مختلفة فى القصر الملكى، والآخر يرى أن بساطتها مبالغ فيها.

الفستان

بسيط جداً لا يتناسب مع طبيعة الحدث، المفروض يكون فيه تفاصيل أكتر، بالمقارنة بزفاف الأميرة ديانا وكيت، فستان «ميجان» أى بنت عادية فى إنجلترا تقدر تلبسه، مفيش أى طابع مميز.

ماجدة داغر - مصممة أزياء

ميك أب

مناسب جداً للزفاف الملكى، قدرت إنها تفصل بين كونها ممثلة أمريكية وانتقالها لتكون زوجة لولى العهد، ودائماً حفل الزفاف الملكى بيكون له مقاييس مختلفة.

محمود راشد - خبير تجميل

الشعر

أبسط من اللازم لكن الأجانب معظمهم بيحبوا الاستايل ده، لكن الزفاف الملكى كان بسيط جداً، التاج كان صغير جداً، الأميرة ديانا مثلاً كانت لابسة تاج ألماس كبير، وكانت بسيطة فى شخصيتها.

رشا رمزى - مصففة شعر

جيرب

اختياره كان موفقاً، بساطته كانت ملائمة مع بساطة اللوك بتاعها والفستان ومكمل ليهم، لكن اختيار كيت للجيرب فى حفل زفافها كان أفضل.

ضحى حسين - مصممة جيرب

الإكسسوار

واضح جداً إن ميجان بسيطة، وده كان غالب على اللوك بتاع المجوهرات بتاعتها والتاج، كان كله رقيق جداً، وده أظهر جمالها الطبيعى بشكل كبير.

أمينة شلباية - خبيرة تجميل

• الأميرة ديانا
• القصر الملكى
• الممثلة الأمريكية
• حفل الزفاف
• خبير تجميل
• خبيرة تجميل
• ميجان
• الأمير هاري
• الأميرة ديانا
• القصر الملكى
• الممثلة الأمريكية
• حفل الزفاف
• خبير تجميل
• خبيرة تجميل
• ميجان
• الأمير هاري