السيسي: "التعليم عاوز 3 أيام لوحده نتكلم فيه.. والوزير كان مغلبني"

03:20 م | الأربعاء 16 مايو 2018

قال الرئيس السيسي إن معدل البطالة يبلغ 10.6%، موضحًا أن الحكومة وفرت أراضٍ للمناطق الصناعية تساوي ما تم طرحه في 10 سنوات.

وعن التعليم، قال السيسي خلال كلمته بالمؤتمر الوطني الدوري الخامس للشباب: "كانوا عاوزين يتكلموا عن التعليم قلت بلاش تتكلموا عليه النهاردة، لإنه عاوز 3 أيام لوحده نتكلم فيه".

وأضاف: "كله عاوز يطور التعليم، بس بيقول طبق على اللي بعدي".

وأردف: "الدكتور طارق شوقي كان مغلبني في الإصلاح، لحد ما احرجته قدامكم من سنة ونص قدامكم، قلتله حتى الناس اللي معايا مش عاوزين يمسكوا القطاع، فمسك القطاع".

وينطلق اليوم المؤتمر الوطني الدوري الخامس للشباب، والذي ينعقد بالقاهرة بحضور الرئيس عبدالفتاح السيسي وعدد كبير من الوزراء والمسئولين وبمشاركة 1500 شاب وشابة من مختلف الإتجاهات والتخصصات.