صلاح: جائزة أحسن لاعب في الدوري مسؤولية.. ونفسي نفوز بنهائي "الأبطال"

11:35 م | الجمعة 11 مايو 2018

قال نجم منتخب مصر محمد صلاح إنه كان يطمح دائما لأن يكون أفضل لاعب في الدوري الإنجليزي، معتقدا أنه أدى موسما جيدا مع ليفربول.

وتابع صلاح: خلال لقائه بالإعلامي عمرو أديب في حلقة خاصة من مدينة ليفربول سجلت عشية ذهاب ليفربول وروما في دوري الأبطال "الحمد لله إني قدرت أعمل كدهـ وقدرت أكسب جايزة أحسن لاعب في الدوري الإنجليزي، وده بالنسبالي إحساس جديد، وكنت مقتنع إن هاخد الجايزة دي".

وتابع صلاح: "كان في ضغط كبير عليا من أول ما رحت ليفربول بسبب تجربة تشيلسي، بس من أول يوم حاطط هدف معين إن أثبت للناس إنهم كانوا غلط".

وعن تجربته الاحترافية حتى الآن قال: "شايف عن تجربتي إنه طول ما أنت مركز وبتعمل إنجازات وبتحطم في أرقام، كل حاجة بعد كده تبقى أسهل، أهم حاجة عندي في الوقت الحالي الماتشات اللي فضلالي مع فرقتي، ونفسي نكسب دوري الأبطال، والدوري ننهيه بشكل كويس جدا، وأحاول أجيب أجوان على قد ما أقدر".

وعن الجائزة قال: "ماكنتش عارف خالص إني هاخد جايزة أحسن لاعب في الدوري الإنجليزي، ومحدش بيبقى عارف مين المركز الأول، إنت بتروح الحفلة وبعد كده بتتفاجئ إنك كسبتها، كانت أعصابي متوترة وهما بيعلنوا الأسماء، وبيبقى عليك ضغط أكبر بعد ما تاخدها إنك تحققها السنة الجاية، لو مكسبتش السنة دي السنة الجاية تبقى محتاج تجيب أرقام زي السنة دي".