صلاح: أصعب فترة اغتراب عشتها في بازل.. وفي لندن "بيحبوا الشغل جدا"
صلاح: أصعب فترة اغتراب عشتها في بازل.. وفي لندن "بيحبوا الشغل جدا"
قال نجم مصر وليفربول الإنجليزي محمد صلاح إن أصعب ما قابله في التأقلم في أوروبا إن أنه افتقد العائلة والأصدقاء بعد أن ترك مصر.
وتابع صلاح، خلال لقائه بالإعلامي عمرو أديب في حلقة خاصة من مدينة ليفربول سجلت عشية ذهاب ليفربول وروما في دوري الأبطال، "في مصر لازم أبقى أنا مع العيلة مع صحابي لازم نخرج بالليل لازم أشوف ده وأشوف ده، ده أصعب حاجة لما فجأة تلاقي نفسك لوحدك وعندك 19 سنة، دي بتبقى صدمة كبيرة بتروح التمرين وترجع واحدة من واحدة لـ 12 بالليل متبقاش عارف تعمل إيه، ملكش صحاب ولا عارف تاكل الأكل بتاعك، خصوصا سويسرا لأنها بتقفل من 6 المغرب".
وتابع: "في مصر بنحب السهر وكل حاجة، في لندن الموضوع كان أسهل عشان الأكل حلال والدنيا جميلة، أصعب فترة في حياتي هي فترة بازل، رايح متعرفش حد وفي صدمة بالنسبالي، إمبارح كنت مع صحابي وبعمل اللي أنا عاوزه، بتضايق ألف بالعربية وأقابل حد أشرب معاه حاجة، فجأة لقيت نفسك لوحدك مش عارف تعمل حاجة بعد الساعة واحدة".
وأضاف: "لندن بيحبوا الشغل جدا، الشغل شغل والإجازة إجازة، عندهم الإجازة بيفصلوا من كل حاجة ووقت الشغل يشتغلوا جامد جدا".
