لقاء نادر| "التفاهم يكسب".. شويكار تتجاوز عن غيرة فؤاد المهندس
لقاء نادر| "التفاهم يكسب".. شويكار تتجاوز عن غيرة فؤاد المهندس
"لو فؤاد مأخدش باله من معجبه بخليه ياخد باله منها، لكن هو بيغير جداً، وفي مرة مكلمنيش من إسكندرية للقاهرة بسبب واحد معجب بيا قبلناه في طريقنا".. اعتراف قالته الفنانة شويكار، في لقاء نادر جمعها مع الراحل فؤاد المهندس بعد مرور 8 سنوات على زواجهما، مضيفة: "احنا متفاهمين جدًا وعلى المستوى الفني فؤاد مشكلته الغيرة بس لأنه مش بيعرف يفصل".
مميزات "المهندس" بالنسبة لشويكار، التي ولدت في 4 مايو عام 1935، كانت أكثر من عيوبه كما أوضحت في اللقاء، الذي أذاعه التلفزيون المصري، فقالت: "بالنسبة لفؤاد كزوج فهو حد محترم وكويس أوي، بيصلي ويعرف ربنا وبيحب ولاده ومحاسنه أكتر من عيوبه فعلًا، هو مش بيحب السهر والخروج والصوت العالي والمزيكا وده بيضايقني، لكن مقارنة بمميزاته بحمد ربنا عليه وبتمنى لبنتي زوج زي فؤاد".
اعترفت "شويكار" أن الشائعات التي كانت تحاصرهم منذ بداية زواجهم يرجع سببها لحبهم ونجاحهم، فتقول: "الكلام دايمًا على فؤاد وشويكار حتى بعد 8 سنين من جوازنا، لكن إحنا في الحقيقة كل إشاعة بتربطنا ببعض أكتر وما بنحولش نرد على الإشاعات اإا بالشغل الحلو"، مضيفه: "عندي هواية ملهاش علاقة بالفن زي الطبخ والديكور، ومن حبي في الديكور أنا اللي عامله ديكورات الشقة كلها بنفسي".
