محمد دياب عن اختيار "يوم الدين" لعرضه بـ"كان": أروع الأفلام العربي

عبر المخرج محمد دياب عن سعادته باختيار الفيلم المصري "يوم الدين"، بالمسابقة الرسمية لمهرجان كان السينمائي الدولي، مشيرا إلى أنه من أفضل الأفلام العربية التي شاهدها في حياته.

وكتب دياب، عبر حسابه الشخصي بموقع "فيس بوك" قائلا: "كنت من المحظوظين اللي شافوا فيلم المخرج أبو بكر شوقي (يوم الدين)، ودون مبالغة ده من أروع وأعذب وأحلى الأفلام العربي اللي شوفتها في حياتي!".

وأضاف، لما قابلت أبو بكر من عشر سنين وأداني نسخة من فيلمه القصير اللي عن مريض في مستعمرة جزام، قلبي ما طاوعنيش إني أشوف الفيلم.. فلما عرفت إنه بيحول فيلمه لفيلم طويل اعتبرت ده انتحار خاصه لما اختار بطل الفيلم مريض حقيقي بالجزام!".

وتابع: السنة اللي فاتت كنت عضو في لجنة تحكيم كان و شوفت ١٨ فيلم، و بالتأكيد الفيلم ده أحلى منهم كلهم و فعلًا يستحق يبقى في المسابقة الرسمية مع إن ده بيحصل قليل جدًا جدا لمخرج أول مرة وأعتقد أول مره تحصل لمخرج عربي، إن شاء الفيلم ياخد جايزه مستحقه وعلى الأقل هتكون لبطل الفيلم "راضي جمال" و لو الدنيا عادلة هنشوف الفيلم ده في الأوسكار.

الفيلم من تأليف وإخراج أبو بكر شوقي، وهو من بطولة راضي جمال وشهيرة فهمي.

• الأفلام العربية
• لجنة تحكيم
• محمد دياب
• مهرجان كان السينمائي
• يوم الدين
• الأفلام العربية
• لجنة تحكيم
• محمد دياب
• مهرجان كان السينمائي
• يوم الدين