تنشيط سياحة الإسكندرية بالباليه واليوجا والهيب هوب

11:22 م | الاثنين 02 أبريل 2018

يجوبون الشوارع بعروض للباليه وأخرى برقصات للهيب هوب وجلسات لرياضة اليوجا، مع اقتراب موسم الصيف اختاروا أن يروّجوا للسياحة الشاطئية على طريقتهم الخاصة، يروجوا لمصر بصور كما تخيلتها أعينهم، مزجوا بين الفن والرياضة والسياحة فى لوحة واحدة، كل همهم أن يبرزوا جمال مصر كما لم يره أحد من قبل.

جاسر قاسم، صاحب الفكرة، بادر بعمل حملة لتنشيط السياحة، كانت الإسكندرية أولى محطاتها، وبطلتها لاعبة باليه: «أصلاً أنا إسكندرانى، دايماً باشوف إسكندرية بعين مختلفة وباشوف إننا لو صورنها بشكل جديد هتكون أحلى من دبى وتركيا».

حب «قاسم» للفوتوجرافيا جعله يترك مهنته كمهندس ويعمل بالمجال، لكن بشكل مختلف: «اشتغلت 6 سنين مهندس، لكن ماحستش إنى باقدم حاجة مختلفة أو باعمل شىء جديد»، تعد الإسكندرية أول مدينة اختارها لتنفيذ فكرته: «حبيت أبدأ بيها لأنى عارف فيها أماكن أتحدى إنى حد يعرفها أو شافها قبل كده». اختار «قاسم» أن يربط صوره برقصات الباليه الراقية ولعبة اليوجا ورقصات الهيب هوب، حتى يجذب عيون الغرب للتراث المصرى: «الغرب بيبص للحضارة والثقافة قبل المكان، وده الوتر اللى بالعب عليه فى الفكرة بتاعتى».

لاقت الصور الخاصة بعروض الباليه بالأماكن السياحية المختلفة بالإسكندرية إعجاب الكثيرين، فبطلتها لاعبة باليه، «زينة المفتى»، لم يتجاوز عمرها 16 عاماً: «نفذت الفكرة أول ما اتعرضت عليّا لأنها مختلفة جداً، وحاسة إنى باخدم بلدى برياضة بامارسها من صغرى». 5 ساعات فى يوم واحد هى المدة التى قام فيها الفريق بأعمال التصوير: «أكتر حاجة شجعتنى إنى أشارك فى الحملة دى إنى سافرت كتير دول أوروبية، بس مالاقيتش فى جمال بلدى».