بريد الوطن| الشوق فى قلبى
بريد الوطن| الشوق فى قلبى
يامه قلبى مل الاشتياق
نفسه يكسر ألف حيطه م الفراق
يامه فينك نفسى اوفى بس دينك
يامه طفى الشوق بعينك
غربلى الضلمه اللى بينا
واقفلى باب الجفا
قلبى انكفا من يوم ما سابك
عمره ما حس بدفا
قلبى اللى عاش
يلعب فى حجرك انطفا
هده الوجع
والباقى فى الجرح اترفا
والصبح ضاع زى اللى ضاع
والباقى منه يادوب عزا
وحياة حلاوة ضحكتك
قلبك ما حن بذمتك
دا انا بعد ربك باعبدك
ماعرفش ليه خطفك قدر
والقلب من يومها انكسر
كبرت آهاته بقت شجر
والجرح عازف عَ الوتر
بعدك آمالى بتنتحر
لفت سنين دارت سنين
وماعادش يحييها المطر
أشرف الشناوى
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
