بريد الوطن| منيش مريم
بريد الوطن| منيش مريم
وحق من رزق مريم
ف ضلمة ليلها ف المحراب
بفاكهة ف غير مواعيدها
ومن كل الصنوف أطياب
بحق من نفخ فيها
بكلمة أمره (كن فيكون)
فأمنت إنه باريها
وإنه لوحده رب الكون
وإنه برغم إعجازه
لابد يسبب الأسباب
بحق الله
أنا مآمنة بأن الرزق ده بحساب
منيش مريم لكن رزقى
مسيح م الشعر فوق ورقى
يقول الحق لو ينطق
وعمره ف يوم ما كان كداب
منيش عدرا
ده أنا اللى بالوجع حبلى
وأنا القبلة
لعابر حزن لو عدى ف يوم أو تاب
يلاقى من ضنا روحى
جناين صبر لجروحى
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
