بريد الوطن| فى داهية
بريد الوطن| فى داهية
قولولهم ف داهية... لكل اللى غابوا
وكل اللى سابوا... بكام كلمة فارغة
وكام حجة واهية... لكل اللى شايفين
كوكتيلنا سلطة... لكل اللى صادوا
ف مايتنا غلطة... أدينا بدونكم
عايشين وعادى... لا متنا عشانكم
ولا جتنا جلطة... وحتى حياتنا
ف البعد عنكم... جميلة وهادية
وألوانها زاهية... قولولهم ف داهية
مفيش م النهارده... وجع كل ساعة
مفيش م النهارده... أوامر مطاعة
ولا حرف يعطف... ولا واو جماعة
وكل آه مسيرها... لـلآه.. وناهية.
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
