اقرئي وجهزي نفسك من معرض الكتاب.. "المفارش والكوبيات" بجوار الكتب
اقرئي وجهزي نفسك من معرض الكتاب.. "المفارش والكوبيات" بجوار الكتب
"فرش" متراصة على مسافات متفاوتة، تصدر منها نداءات عالية لجذب انتباه الزائرين، ابداع من البائعين في عرض منتجاتهم بطريقة مميزة، وتداخل أصواتهم لايعيق عملهم على أرض معرض الكتاب، أحد أكبر الفعاليات الثقافية السنوية في مصر والعالم العربي.
فور وصول الزائر إلى أرض معرض الكتاب يجد على طول الطريق المؤدي إلى دور النشر والمكتبات، عددا من الباعة يفترشون الأرصفة يبيعون مستلزمات للبيت أو كما يطلقون عليها "تجهيز العرائس" تتنوع ما بين مفارش وأطقم كوبايات وأدوات منزلية، في مشهد يبتعد تماما عن الكتب. "أول سنة هنا في المعرض وربنا برضو بيرزق مش مهم المكان"، يقول عبد الرحمن، أحد بائعي المفارش داخل معرض الكتاب.
الشاب العشريني الذي يعلو صوته مناديا على بضاعته، "قربي يا مدام، مفارش وكوبايات بأسعار رخيصة"، أكد في حديثه لـ"الوطن"، أنه دخل المعرض بتصريح حصل عليه بواسطة التاجر المسؤول عنه ويجد إقبالا من زوار المعرض إليه، "الرزق بيختلف من يوم للتاني والناس مش جاية تشتري كتب بس".
على بعد خطوات قليلة من "فرش عبد الرحمن" وتحديدا بالقرب من مصلى السيدات، يقف أحمد، مناديا على بضاعته،"بخسمة جنيه الشراب.. مفارش وكوبايات بعشرين جنيه وبس لجهاز العرايس"، لتقطع نداءه إحدى الزبائن تفاصله في سعر البضاعة فيرد عليها بصوت يملؤه التعب، "الأسعار دي مش هتلاقيها برا في أي مكان".
ويقول البائع الثلاثيني، لـ"الوطن": "جايين نسترزق ونبيع في حالنا ملناش دعوة بحد والزبون اللي بيشتري كتب بالمرة بيجي يبص ويشتري".
من بين العشرات الملتفين حول "فرش أحمد" وقفت سيدة أربعينية تبحث بين البضاعة عن شيء يناسبها، وتقول في حديثها لـ"الوطن": "المعرض السنة دي فيه حاجات كتير حلوة كنا جايين نشتري كتب وأهو بالمرة نتفسح ونشتري اللي محتاجينه بأسعار مناسبة".
