إجازة نصف العام تنعش السياحة فى الغردقة و«شرم»

09:13 م | الأربعاء 24 يناير 2018

إجازة منتصف العام الدراسى ومدتها 15 يوماً، هى الفترة التى تحاول بعض الشركات السياحية استغلالها لتحسين أوضاعها وإنعاش حركة السياحة التى تشهد ركوداً منذ فترة طويلة، حيث تقدّم عروضاً مختلفة وجذابة وبرامج متنوعة، منها زيارات إلى المدن السياحية الشاطئية كالإسكندرية والغردقة وشرم الشيخ، والمدن الأثرية كالأقصر وأسوان، وذلك بأسعار مخفّضة، وكذلك ليالٍ مجانية، وحسب العاملين فى القطاع فإن إجازة نصف العام تسبّبت فى انتعاش السياحة بنسبة لا تقل عن 40%، مقارنة بالأشهر الماضية. كعادته طوال 10 سنوات من العمل فى مجال السياحة، يحاول أحمد محمد، توفير بعض العروض السياحية المناسبة للطلاب خلال فترة إجازة منتصف العام، التى يعتبرها بمثابة الموسم بالنسبة له: «فترة الإجازة بتكون موسم، وفيه أسر كتير بتحب تسافر وتبسط أولادها يومين تلاتة، وأنا باحاول أوفر ده، وباشتغل على ده». أغلب الرحلات التى يوفرها «أحمد» عبر شركة السياحة الخاصة به لا تتعدّى الليالى الثلاثة: «ده أنسب حل أقدر إنى أوفره فى ظل الظروف الاقتصادية الصعبة والقوة الشرائية اللى موجودة دلوقتى». شرم الشيخ والغردقة هما أكثر مدينتين تنتعش بهما السياحة الداخلية خلال فترة الإجازة: «الجو فيهم بيكون دافى وجميل والطبيعة خلابة بتسحر الناس.. الأماكن دى بتكون مناسبة أكتر للى عايز ياخد فترة استجمام وهدوء، خصوصاً الغردقة». وعن الأسعار فهى تتراوح بين 600 و1200 جنيه، حسب عدد الليالى: «دى الرحلات الـ3 ليالى، الرحلة بتكون شاملة كل التكاليف.. لكن عندى رحلات اليوم الواحد بتكون للفيوم ووادى الريان، دى مناسبة أكتر للشباب، اليوم بـ200 جنيه». ورغم أن حجم الإقبال متوسط هذا العام، إلا أن محمد حامد، صاحب إحدى شركات السياحة بالقاهرة، يرى أن ارتفاع الأسعار ما زال يقف عائقاً أمام حركة السياحة: «إحنا متعودين أن فترة إجازة نصف السنة بيكون الإقبال أقل بسبب قصر مدة الإجازة». يحاول «محمد» أن يجذب العملاء عن طريق توفير بعض العروض الجذابة: «بنعمل بعض الخصومات زى ليلة أوفر مثلاً لو أخدت 3 ليالى علشان ننشط الشغل وحركة السياحة.. بس دايماً الرحلات بتكون شاملة كل التكاليف، وده اللى بنحاول نعمله». وعن الرحلات الشبابية التى توفرها وزارة الشباب والرياضة، ذكرت حنان صالح، مسئول الرحلات بالوزارة، أنه خلال الإجازة، قامت الوزارة بتنظيم رحلات تحت مسمى «اعرف بلدك»: «عندنا رحلات للأقصر وأسوان وشرم الشيخ والوادى الجديد».

{long_qoute_1}

تكلفة الرحلة إلى الأقصر وأسوان 400 جنيه: «الرحلة بتكون لمدة أسبوع، وبتضم 520 شاباً وفتاة.. الرحلة تكلفتها بسيطة والوزارة بتتحمل باقى التكاليف»، والحجز للخريجين يتم عن طريق المراكز أو الهيئات أو المديريات الشبابية، وللطلبة عن طريق رعاية الشباب بالكليات.