رامي رضوان: "حزين على المعارضة.. عاوزين مرشحين لله يشرفوا"

04:01 م | السبت 20 يناير 2018

قال الإعلامي رامي رضوان، إنّه حزين على المستوى الذي وصل إليه البعض، الذي وصفهم بأنهم "يصفون أنفسهم بأنهم معارضين".

وأضاف رامي، عبر حسابه على "فيس بوك": "كم التخبط والغشامة والغشاوة والحماقة لا حصر لها، اللي بيتكلم عن الانتخابات إنها خصومة مع شخص، واللي باصص للانتخابات على إنها مباراة، واللي بيتكلم عليها كأنها فرصة لشقلبة الموازين".

وتابع الإعلامي: "اللي ما شفت واحد قرر يكلم الناس عن مصلحة مصر، وإيه الأخطاء المرتكبة سابقا، وإيه أوليات خطته أو خطتهم للارتقاء بمصر وآلية التنفيذ، إيه الخيابة دي، داخلين الانتخابات الرئاسية وبتحمسوا بعض على (الإطاحة بالسيسي)؟، بس هو ده هدفكم؟، طب وهتلموا أصوات بالهدف الساذج ده؟".

وزاد رامي: "السذاجة دي تستحق فعلا أصوات في الانتخابات؟، تستطيع أن تحكم دولة؟.. ومنهم اللي كان ضد الخلفية العسكرية والنهاردة بيدعم عنان، طبعا أحرار بس فين المبادئ، فين التمسك بالرؤية والقناعات؟، ولا الضرورات تبيح المحظورات زي منهج الإخوان؟".

وأضاف الإعلامي: "كل ده كوم واللي ضموا عليهم مؤيدي ومحبي والمتعاطفين مع الجماعة الإرهابية كوم تاني، هو انتوا عايزين تلموا أصوات بعضكم ولا عايزين أصوات الأغلبية؟، إيه الخيبة دي؟، عايزين مرشحين يشرفوا يا ناس. #مرشحين_لله".