س و ج من مبادرة "اسأل الرئيس": الشعب المصري صلب وقوي وصامد
س و ج من مبادرة "اسأل الرئيس": الشعب المصري صلب وقوي وصامد
أجاب السيسي، على اسئلة المواطنين، من خلال جلسة "اسأل الرئيس" للإجابة على أسئلة المصريين، ضمن فاعليات اليوم الثالث لمؤتمر "حكاية وطن"، لعرض إنجازات الرئيس عبد الفتاح السيسي.
وتستعرض "الوطن" أسئلة المواطنين وإجابة الرئيس عليها:
س هل لو عاد بك الزمن وراء لسنوات كنت ستحفر قناة السويس الجديدة أم كنت ستضع أموالها في استثمارات أخرى؟.
ج إيه رأيكم لو مكناش نفذنا الموضوع ده كان الإقليم ده هيكون عامل إزاي؟.. قناة السويس مصدر العملة الحرة هل كان هيبقى مؤهل لاستقبال السفن الجديدة أم لا؟.. هل كانت القناة ستكون مجهزة لطريق الحرير؟.. هل كان هيتم الاستفادة الكاملة من القناة أم لا؟ أعدنا تأهيل المرفق وبنستفيد استفادة كاملة من المجرى، "ولو كنا بتكلم في استثمارات كان لابد نكمل المشروع كله على بعضه.
س متى سيكون هناك وزير لشؤون المرأة؟
ج ده أنا وزير المرأة.. ده الوزراء زعلانين مني جدا.. إحنا مش محتاجين وزير ولا حاجة.
س لماذا يسود في مصر مناخ تاريخي من قمع الحريات وحقوق الإنسان؟
ج حقوق الإنسان من الثوابت الوطنية، لابد أن نحترم حقوق كل الناس.. الشاب اللي بيضايق أي بنت في الشارع، هل ده من حقه؟.. الموضوع ده بيتطور وبيرتقي كدولة عندما ترتقي العلوم، والثقافة، والقيم الدينية الحقيقة، محدش يبقى متألم لما يشوف شعائر دين تختلف عن دين.
س ماذا عن موقف اللاجئين المقيمين داخل بلادنا الحبيبة، والتعداد السكاني يزيد؟
ج مصر الدولة الوحيدة اللي بتقعد مع الأجانب، ونقول معندناش معسكرات لاجئين.
س لماذا تم إقصاء كافة الأحزاب والقوى السياسية من المشاركة في العملية السياسية؟
ج أما يكون عندي مليون إنسان مرميين في الشارع وبيناموا في مكان لا يليق بيهم، أما يكون عندي شاب عاوز ياخد شقة وميقدرش يتعالج ومش قادر يتعلم ومش قادر، يشتغل ومش عارف، لو اختذلتوا الحقوق في الممارسة السياسية فقط، في حقوق إهدارها أهم من الحقوق السياسية.
س ليه الوزراء مش بيعملوا لقاءات في قنوات الإذاعة والتليفزيون؟
ج الدولة تبذل جهدًا كبيرًا في إعادة تأهيل "ماسبيرو" بالشكل الذي يليق به.
س إزاي الشعب المصري يضمن الإستمرار بمشروع "رؤية مصر 2030"؟
ج النقطة دي من أهم النقاط ليكم يا مصريين، تخيروا واختاروا وخليكوا حريصين جدًا جدًا في اختياركم، لا تعطي صوتكم إلا لمن يستحق أن يتولى أمركم.
س هل تراجعت هيبة مصر في الفترة الأخيرة ؟
ج بكل صراحة الشعب المصري صلب وقوي وصامد وبنستمد هيبتنا منه، حصلت محاولات كتيرة جدًا لإسقاط الدولة لكن المصريين أفشلوها مع الجيش والشرطة.
س ليه مافيش ردود قوية بخصوص ملفي أثيوبيا والسودان؟
ج لا يجب أن يتعامل مع الأشقاء العرب بطغيان لتوفر القوة، متابعًا "كفى المنطقة ما بها حاليًا، لكن لن نسمح بالمساس بأمن مصر القومي.
س ليه مايكونش عندنا عام ضد المخدرات؟
ج إن الدولة تواجه ظاهرتي الفساد والمخدرات بكل قوة، مؤكدًا أنه كلما ازدادت قدرات الدولة كلما كانت المواجهة أسهل.
س ما الأخطاء التي وقع فيها خلال توليه الرئاسة ويتمنى تداركها الفترة المقبلة؟
ج والله أنا يومي بيبدأ من الساعة 5 الصبح ومبقدرش أنام تاني.. هناك أشخاص يرون أنه اتخذ بعض القرارات الخاطئة مثل التعويم وسعر الصرف، وبالنسبة للاقتصاديين الذين يقولون أن الدولة كانت غير جاهزة لتلك الإجراءات.. لا إحنا كنا جاهزين على قدر الإمكانات، متفتحليش الكتاب وتكلمين منه كلمني بالِإمكانيات.
