بريد "الوطن" عشان إنسان
بريد "الوطن" عشان إنسان
لأنى حلفت أعيش إنسان
لا هتسول كلام م الناس
ولا ارسم كلام زايف مالهوش أساس
ولا أكتب حروف خالية من الإحساس
عشان إنسان.. هعيش غلبان
ووقت الشدة يلاقينى عايش فارس
كما الديدبان
أقول للكون كلام الحق
وباعرف إمتى أقول أيوة
وإمتى أقول بشجاعة كلمة لأ
وهتشعبط فى دعا الرحمن
عشان إنسان
لا عمرى فى يوم هكون قاسى
ولا للفضل أكون ناسى
وأحب عزوتى وناسى
ولا عمرى أكون خوان
عشان إنسان
هبيع الدنيا بالآخرة
ومهما السكة تكون واعرة
لا هستسلم ولا أسلم خيوط الفجر
لأى جبان
عشان إنسان
حسام زين الدين
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
