هاشتاج "#عماد_متعب" يتصدر "تويتر".. ومغردون: مهاجم مصر في كأس العالم
هاشتاج "#عماد_متعب" يتصدر "تويتر".. ومغردون: مهاجم مصر في كأس العالم
تصدر هاشتاج #عماد_متعب قائمة الأكثر تداولًا بموقع التواصل الاجتماعي "تويتر"، بعد رحيلة عن القلعة الحمراء.
ويذكر أن نادى التعاون السعودي، أعلن فى وقت سابق تعاقده مع لاعب النادي الأهلي، عماد متعب، حتى نهاية الموسم الحالى على سبيل الإعارة.
وفي السطور التالية تستعرض "الوطن"، أبرز التعليقات:
قال الشاعر "أمير طعيمة": "عندي ثقة تامة إن عماد متعب مش بس هيرجع منتخب مصر، لا ده كمان هيبقاله دور مؤثر في كأس العالم إن شاء الله، الموضوع مش تكريم بس فعلا منتخب مصر محتاج لاعب من عينة عماد، ومن ساعة غيابه عن المنتخب محدش ملى مكانه ولو بشكل جزئي".
فيما قالت بسنت أمل: "ربنا ينصرك على من يعاديك، أجمل دعوة ربنا معاك ببركة الست الجميلة والأم العظيمة دى وبدعوات الملايين ليك انت العشق كله يا جان".
وعلق محمد جمال: "انت نجم طول عمرك ومسير كل واحد يعرف مقامك إيه باذن الله هتنجح في السعودية وتروح كأس العالم ونشوف أهدافك زي أيام الشباب".
وقالت "هبة": "هتفضل في قلوبنا كلنا مستنينك ترجع لمكانك اللي تستحقه برغم انك في مكان احسن انت ساكن قلوبنا جميعا بنحبك يا عمدة وبالتوفيق، وإحنا وراك في أي مكان".
وقال سعود سليم: "إن شاء الله عماد متعب مهاجم مصر في كأس العالم".
وقال محمود عبده: "شكرًا يا عظيم، تاريخك حافل وأخلاقك تشهد عنك ولكن ده كله اتقابل بالإهانة من الجهاز الفني ومن إدارة النادي محدش احترم قيمتك وعطاءك".
وقال "محمد": "أكثر جمله قالها متعب صح إن طول ما البدري موجود متعب مش حيلعب وده راجع لطريقه البدري في الملعب من الضغط المستمر على المنافس والسرعة في نقل الهجمة، ومتعب حاليا غير قادر بدنيا على ذلك".
