محمد أنور لـ"صلاح": "بقيت قدوة ومثل لكل اللي شايف حلمه مستحيل"

علق الفنان محمد أنور، نجم مسرح مصر على الصورة المتداولة لطفولة محمد صلاح، نجم المنتخب المصري الأول لكرة القدم، والمحترف في نادي ليفربول الإنجليزي.

ونشر "أنور" صورة لـ"صلاح" وسط زملائه في فريق نادي ليفربول، وصورته المتداولة وسط زملائه من القرية، معلقا: "الصورتين دول الفرق بينهم سنين تعب وشقى واجتهاد وإصرار علي الوصول لأحلامه، حلم لبلده إنه يوصلها لكأس العالمن وحلمه الشخصي إنه يبقي أحسن لاعب في إفريقيا".

وتابع "أنور"، عبر حسابه الشخصي على "إنستجرام": "الحلم ده من كتر إيمانه بيه صدقناه وأصبح مش حلمه هو بس، بقي حلم شعب كامل وبعد جهد كبير الحلم أصبح حقيقه، ومصر دخلت كأس العالم، وهو بقي أحسن لاعب في إفريقيا، وبسببه الشعب حلمه زاد وبقي شايف إننا ممكن نآخد كأس العالم، وإنه كمان قريب هيبقى أحسن لاعب في العالم، وليه لأ؟".

وأضاف: "شكرا محمد صلاح إنك وسعت أحلامنا وخليتنا نصدق إننا ممكن نحققها، وبقيت قدوة ومثل لكل شاب مصري كان شايف إن الحلم مستحيل".

• الفرق بين
• المنتخب المصري
• كأس العالم
• كرة القدم
• محمد صلاح
• الفرق بين
• المنتخب المصري
• كأس العالم
• كرة القدم
• محمد صلاح