سما المصري: "مش هحضر مهرجان القاهرة عشان أدي الفرصة لخالتي غادة"

أعلنت الفنانة سما المصري، عن عدم حضورها فعاليات مهرجان القاهرة السينمائي الدولي في دورته الـ39، المقرر انطلاقها الليلة.

وقالت "المصري" لـ"الوطن": "مش رايحة المهرجان عشان أدي للفنانات اللي هناك فرصتهم في الظهور عشان غطيت عليهم السنة اللي فاتت، والحقيقة الناس اللي بعتولي الدعوة السنة اللي فاتت قالولي نجيبلك دعوة السنة دي، قلت لهم لأ عشان أدي شيرين عبد الوهاب وغادة عبد الرازق وغيرهم من الفنانات فرصتهم في الظهور، لأنهم رايحين، ولو رحت هاخد منهم الأضواء كلها، وهما غلابة برضو من زمان مظهروش ولا الكاميرات جريت وراهم".

وتابعت: "قلت غادة زي خالتي وشيرين زي أختي، فلازم أوجب معاهم، المهم بس نشوف النهارده فساتين أجمد من فستاني السنة اللي فاتت، لازم أسيبهم يروحوا ياكلوا عيش برضو".

• الفنانة سما المصرى
• شيرين عبد الوهاب
• مهرجان القاهرة السينمائي
• غادة عبدالرازق
• الفنانة سما المصرى
• شيرين عبد الوهاب
• مهرجان القاهرة السينمائي
• غادة عبدالرازق