أطفال 57357 يوجهون رسالة للجيش في ذكرى النصر: «مطمنين بوجودكم»

11:45 ص | السبت 07 أكتوبر 2017

وجه أطفال مستشفى 57357 رسالة للجيش المصري في ذكرى عبور السادس من أكتوبر 1973. وكتب الحساب الرسمي للمستشفى على "إنستجرام": "57357 بيقولوا لكل جندي على أرض مصر كل سنة وإحنا عايشين مطمنين بوجودكم".

وأضاف: "رجال القوات المسلحة خير أجناد الأرض دايما واقفين معانا بدعمهم وزياراتهم اللي بتخفف عن معاناة أطفالنا وبتقويهم فى رحلتهم، زيارات قادة وضباط الجيش المصري لـ57357 بتأكد لأطفالنا إن الحياة لسه فيها حاجات أجمل مستنياهم وبتديهم الأمل في بكرة، كمان طلبة الكلية الحربية مخصصين صندوق في المستشفى باسمهم علشان يجمعوا فيه التبرعات ويساهموا في رحلة علاج كل طفل".

وتابع: "نصر أكتوبر العظيم بيقول لكل واحد فينا إن الحياة قيمتها الحقيقية في التحديات اللي بتقابلنا وبنعديها وبنثبت إننا أقوى، أبطال 57357 اتعلموا من الجيش المصري إن البطل الحقيقي اللي بيكمل المعركة للنهاية علشان كده أطفالنا مكملين معركتهم ضد السرطان بكل قوة".