بالفيديو والصور| حسن الرداد يستجيب لدعوة طفل مصاب بالسرطان
بالفيديو والصور| حسن الرداد يستجيب لدعوة طفل مصاب بالسرطان
- الأطفال المرضى
- الطاقة الإيجابية
- الفنان حسن الرداد
- رمضان المقبل
- سرطان الأطفال
- شهر رمضان
- علاج سرطان
- فى رمضان
- مستشفى ٥٧٣٥٧
- الأطفال المرضى
- الطاقة الإيجابية
- الفنان حسن الرداد
- رمضان المقبل
- سرطان الأطفال
- شهر رمضان
- علاج سرطان
- فى رمضان
- مستشفى ٥٧٣٥٧
زار الفنان حسن الرداد، أمس، مستشفى 57357 لعلاج سرطان الأطفال، والتقى بمجموعة من الأطفال المرضى بالمستشفى، ومن ضمنهم الطفل محمد الذي أعرب عن أمنيته في لقاء الرداد.
ونشر الرداد فيديو له مع الطفل محمد، وأعلن فيه أن الطفل محمد سيشترك معه في مسلسله القادم لشهر رمضان المقبل.
ونشر الرداد صورة له مع الطفل محمد عبر حسابه الشخصي على "إنستجرام"، معلقاً: "النهاردة روحت مستشفى ٥٧٣٥٧، بعد ما كلمنى صديق ماشفتوش من ٧ سنين اسمه خالد الشرقاوي، وقالى إن فى طفل اسمه محمد، بيحبك جدا، وعايز يشوفك والمناعة عنده ٣٠٠ فقط، ودى طبعا قليلة جدا، وبعت لى ڤيديو، ولما رديت عليه بڤيديو المناعة عنده زادت لـ٣٥٠٠ والنهاردة المناعة بتاعته وصلت ل٤٥٠٠، بعد ما الدكاترة كانوا بيقولوا كلام علمياً عكس كدة، لما روحت وقابلته شفت ولد ماشاء الله زى القمر، ذكى جدا، فاهم فى حاجات كتير، أكبر من سنه وبيحتوي اللى حواليه، دمه خفيف جداً وموهوب، لماح بشكل مش طبيعى، أتكلم معايا فى حاجات كتيرة انا مش عارف هو فاهم فيها ازاى، ماشاء الله عقله اكبر من سنه بكتير".
وتابع "الرداد"، "تحس ان عنده ٢٠ سنه و اكتر، انا اتعلمت منه حاجات كتير النهاردة، اتعلمت الإيمان والصبر على الابتلاء ومواجهة المشاكل بالابتسامة والرضا الشديد بقضاء ربنا والطاقة الإيجابية اللى بيديها لكل اللى حواليه، اللى كان مزعله بس ان الأطفال فى المدرسة لما عرفه انه تعبان كانوا بيتريقوا عليه، فياريت الأهالى يفهموا اطفالهم ان دى قلة أدب".
واضاف الرداد، "يا محمد انا بحبك جدا جدا، ربنا يشفيك يا حبيبى انت وكل اطفالنا وان شاء الله هتيجى تمثل معايا فى رمضان زى ما وعدتك، وشكرا على الهدية الجميلة دى، هجيلك تانى قريب، يا ريت كل واحد يتبرع بجزء من وقته لاطفالنا الجمال دول عشان ده شئ كبير جدا بيهون عليهم القعدة بتاعتهم فى المستشفى".
وكان الفنان حسن الرداد قد نشر فيديو منذ يومين للطفل محمد، وهو يقول له أنه قد وحشه، ورد الرداد على كلام محمد، وقال: "يا محمد، انا مبسوط جدا جدا بالفيديو ده و مبسوط انك عايز تشوفنى، انا كمان عايز أشوفك اكتر، انت ماشاء الله زى القمر وسلامتك ألف سلامة، غن شاء الله هتخف و هتبقى زى الحديد يا حبيبى".
