مدينة تدفع 14 مليون جنيه للمجارى و«بيوتها بتقع»

08:03 م | الجمعة 15 سبتمبر 2017

14 مليون جنيه تقريباً، هى أجرة جرارات المجارى التى تحصلها من الأهالى سنوياً فى مدينة صان الحجر بالشرقية، بمعدل 70 جنيهاً أسبوعياً لكل بيت من إجمالى 4 آلاف بيت بالمدينة، المبلغ الضخم يدفعه الأهالى ولا يشعرون به مقارنة برسوم مشروع الصرف التى لا تتعدى 2000 جنيه، لكن تعطل المشروع طوال 25 عاماً أجبر الأهالى على استخدام جرارات الكسح فانتشرت الأمراض والروائح الكريهة.

«لو دفعنا على المشروع كل الفلوس اللى صرفناها على الجرارات كان زمانا مرتاحين، الطرنشات ضاربة فى البيوت ومش قادرين نستحمل»، قالها أحمد نوفل، 66 عاماً، فلاح، مضيفاً: «الجرار بياخد فى النقلة الواحدة 30 جنيه مرتين أسبوعياً وظروفنا صعبة ومحدش حاسس بينا والرطوبة قضت على البيوت والحديد مرمى بقاله 5 سنين، والأمراض جات لنا من الناموس».

هيام عبدالهادى، 42 سنة، ربة منزل، تعيش نفس المعاناة: «فى الشتا الحيطان بتبقى كلها ميّه من الرطوبة والماسورة بتفضل تطفح بالأسبوع، مش عارفين نقعد من الريحة.. البيت هيقع علينا».

{long_qoute_1}

«شكاوى الأهالى كانت السبب فى تعطيل المشروع لأنه كانت هناك قضية بين الأهالى والهيئة القومية على مكان إقامة المحطة واتحلت بشكل ودى»، هذا ما أكده الدكتور فايز أبوالمعاطى، رئيس قطاع شمال الشرقية لمياه الشرب والصرف، وقال إن المشروع يحتاج لثلاث سنوات لإنجازه بشكل كامل.