"إجازتك خلصت في إيه" يتصدر "تويتر".. ومغردون: "هو كان في إجازة أصلا"
"إجازتك خلصت في إيه" يتصدر "تويتر".. ومغردون: "هو كان في إجازة أصلا"
"إجازتك خلصت في إيه" هاشتاج أطلقه مستخدمو موقع التدوينات القصيرة "تويتر"، يتحدثون فيه عن كيف قضوا إجازتهم الصيفية، وتصدر "الهاشتاج" الأعلى تداولا.
وجاءت التعليقات على مستخدمي "تويتر" عن هاشتاج "إجازتك خلصت في إيه" بـ"في الشغل"، "في النوم"، "في حرقة دم"، "ولا حاجة"، "خلصت وأنا قاعد على القهوة بس كده"، "في اللا شيء اللا متناهي اللا محدود.. ورغم كدة خلصت بسرعة"، "في الجيم وفلوس التونة"، "لسه مخلصتش الحقيقة"، "كل حاجة حلوة والله.. شغل وخروج وأفراح وشوية ظروف لطيفة كدة عرفتني قيمة كل حد في حياتي وبقيت أقوى جدا الحمد لله".
وتوالت التعليقات على الهاشتاج بـ"سبحان الله هو كان في إجازة أصلا.. أنا كبهير انبهرت"، "نوم الصبح أخرج بليل"، "خلصت في مارينا ومراسي وشرم والسخنة والحياة زبادي في الخلاط وكله بيخرج وكله بيتفسح"، "لشباب كله متضايق أن الإجازة هتخلص ومعملش حاجة بكرة لما تشتغلوا هتعرفوا قيمة اللي أنتوا فيه"، "ولا سفر ولا خروج ولا خطوبة ولا عملت أي حاجة وإيه كمية النوم دي مش فاهم أنا".
