بالصور| قصة حب طفولي تُشعل «فيسبوك».. ومعلقون: «خلي الأمهات تلطم»
بالصور| قصة حب طفولي تُشعل «فيسبوك».. ومعلقون: «خلي الأمهات تلطم»
أثار تدوينة نشرتها طفلة تُدعى "رونه المهدي"، على صفحتها الشخصية بموقع التواصل الاجتماعي "فيس بوك"، ضجة كبيرة جدًا، حيث وجهت الطفلة رسالة مطولة لحبيبها مرفقة بها بالصور، إذ قالت له "فهمت أنك أكتر واحد حبتني وأكتر واحد خايف عليا، وعلى حياتي، أكتر واحد بيحب يشوف لي الخير مبيحبش حد يتكلم عليا بتحب العيوب اللي فيا قبل الميزات".
وأضافت: "عارفة أنك بتحب الهطل والعبط والخنقة وطريقتي بتاعة الأطفال اللي محدش بيستحملهم ومزهقتش من الغيرة المقرفه بتاعتي، اللي محدش عرف يستحمل 1% منها، أول مرة أحس أن حد بيحبني كدا وبيخاف عليا وعلى دراستي، أنت أول واحد يقولي لا مفيش حاجة اسمها مش هروح درس بتخليني أروح غصب عني".
وتابعت: "عارفه أنك بتحب تنرفزني عشان شكلي بيبقي مسخرة وبتتضحك عليا وأحلى حاجة فيك أنك بتحب العبط والهطل وبنعبط مع بعض ونجري في الشارع وبنتصور صور هطله شبهي وبنغفل بعض ومتنساش التغفيل اللطيفه بتاعتك ومش هنسي التغفيلة الخرة بتاعتي".
وواصلت: "متأكدة أنك هتحافظ عليا وهتفضل جنبي للآخر وهتساعدني وهتبقي ضهري وسندي للآخر بحب حبك لأهلك وخوفك عليهم جدا بحس ان كدا هتخاف عليا زيهم، عارفه انك استحملت مني حجات محدش يقدر يستحمل ربعهاا حتي واي حد مكانك كان هيزهق وهيطفش من أول يوم بس أحنا مع بعض بقالنا 33 يوم يعني 792 ساعه يعني 47520 دقيقه يعني 2851200 ثانية عرفت كل حاجة وفهمت ومحدش هيوقع بنا ومحدش هيحبني قدك وخلاص هنكمل ومش هنبعد".
وسخر عدد من المعلقين من البوست، حيث قال أحد المعلقين: "يااااختى ٣٣ يوم بحالهم والله قطعت قلبى، فين الأمهات تيجى تلطم معايا هنا والله، روحي نامي يا حبيبتي واتغطي كويس بس المهم".
ومع زيادة التعليقات الساخرة، كتبت رونه المهدي: "مش هفتح السوشيال تاني، والخط اتكسر، ومش عاوزه حد في حياتي".
