دعوة عامة لرسامى «دسوق»: «اسكيتشك فى إيدك.. فرشتك فى جيبك.. ارسم»
محمد أمين منظم الفعالية
«اسكيتشك فى إيدك.. فرشتك فى جيبك.. ألوانك معاك.. حصلنا على الميدان».. جانب من فعالية أطلقها محمد أمين، 22 عاماً، فى منطقة دسوق، بمحافظة كفر الشيخ، لدعوة الموهوبين والمحترفين فى الرسم، لتشجيع بعضهم البعض وصقل موهبتهم، برسم عدة لوحات خلال 9 ساعات يوم 10 أغسطس الحالى، فى محاولة لتصحيح بعض أخطاء الرسم الشائعة بميدان مسجد إبراهيم الدسوقى.
اللوحة التى يتنافس عليها المنضمون فى الفعالية هى رسم مسجد «الدسوقى»، وتحصل أفضل لوحة على ميدالية من الفضة: «طول ما فيه روح التنافس.. الناس هترسم وتطلع أحسن ما عندها وكلنا نتعلم من بعض».
من ضمن أنشطة الفعالية اختيار واحد من الموجودين لرسمة، وتصحيح وفهم بعض أساسيات الرسم من خلال اللوحات: «هيكون معايا حد شاطر فى الرسم وهنعدى على اللوح ونصحح للناس بعض أخطائهم».
رغم أنها أول فعالية للرسم فى الميادين العامة بقرية دسوق، إلا أنها ضمت بعض الموهوبين من مختلف المحافظات كـ«القاهرة، والإسكندرية، وطنطا، والمنصورة»، حيث وجدوها فرصة للتعلم والاستفادة من خبرات الموجودين: «الناس هتيجى من 10 الصبح لحد 7 بالليل هنفضل نرسم.. ونعمل ورش حكاوى نشرح إيه أخطاءنا اللى وقعنا فيها»، ومن ضمن فقرات الفعالية تعليم مبادئ الرسم للمبتدئين، وسيكون الرسم بالطريقة التى يفضلها المنضمون، سواء بالرصاص أو الفحم أو النسكافيه أو الألوان.
«ناوى لو الفعالية دى نجحت نكررها فى كل حتة فى مصر.. لأن الرسم فن بيعلمنا الصبر وهنشوف مصر بعين حلوة».. بحسب «محمد»، الذى أكد أن الرسم بشكل جماعى من أفضل وسائل التعرف على خبرات وطرق الآخرين فى الرسم، واكتساب الخبرة.