«صلاح» يرسم المشاهير بالنسكافيه والزيت والملح: بارسم اللوحة فى 40 ساعة
![لوحة شيرين عبدالوهاب](https://watanimg.elwatannews.com/image_archive/840x473/3620893801498939208.jpg)
لوحة شيرين عبدالوهاب
مجال ملىء بالعديد من المبدعين، لكن قليلاً منهم من يتميز ويثبت وجوده ويلمع، فكثير من رسامى البورتريهات يرسمونها لمجرد الهواية فقط، ولا أحد يسمع عنهم، بعضهم يتمنون التواصل مع النجوم الذين يقضون ساعات طويلة فى رسمها، لكن الشاب العشرينى محمد صلاح أثبت نضوج موهبته وسلم رسوماته إلى مغنييه المفضلين.
شيرين وتامر حسنى وكريم محسن، أبرز النجوم الذى عبّر «محمد» عن حبه لهم بالرسم، وتواصل معهم لتسليمهم بورتريهاتهم: «عندى الموهبة من صغرى، لكن بدأت أهتم بيها من 3 سنين بس، كان عمرى وقتها 19 سنة». رسم البورتريه بالنسكافيه جاء مع «محمد» بالصدفة: «كوباية نسكافيه وقعت على الورق، فجيه فى بالى ليه مارسمش بيه». 40 ساعة هى المدة التى يستغرقها فى رسم البورتريه، مؤكداً أن محاولة رسم لوحات بجودة عالية وتفاصيل كثيرة تتطلب مجهوداً ووقتاً كبيرين: «الرسم بالنسكافيه بياخد وقت كبير، علشان بيترسم عن طريق عمل تلات طبقات فوق بعض من النسكافيه، وباسيبها تنشف، فبياخد وقت كبير قوى على عكس الرسم العادى». بأدوات مختلفة: بن، زيت، ملح، نسكافيه وخشب، يبدع «محمد» فى إنجاز بعض الأعمال الأخرى: «فى الفترة الأخيرة انطلب منى إنى أرسم أوردارات، بس طبعاً الجودة بتاعتهم بتكون أقل من البورتريهات العادية اللى بتتكلف من 200 لـ300 جنيه».
يُعد البورتريه الذى رسمه «محمد» لوالدته من أصعب اللوحات اللى قام برسمها وتطلبت مجهوداً كبيراً، وأيضاً البورتريه الأخير الذى قام برسمه لدنيا سمير غانم: «الشغل كل ما كانت تفاصيله كتيرة كل ما كان أصعب ومُجهد أكتر».