رغم أوامر الرئيس.. "صاحبة عربة البرجر": "فارضين عليا فلوس عشان أقف"

10:26 م | الخميس 03 أغسطس 2017

قالت ياسمين رحيم، الفتاة الشهيرة بـ"صاحبة عربة البرجر"، إنها فوجئت بإبلاغها بأنه تم تأجير قطعة الأرض المخصصة لأصحاب المشاريع الصغيرة لشخص مستأجر وسيتم تحصيل 20% من إجمالي المكسب اليومي لها، رغم حصولها على التراخيص اللازمة لعربة البرجر الخاصة بها والتي تسمح لها بالوقوف في الساحة المخصصة لأصحاب المشاريع الصغيرة في حي شيراتون بتوجيهات من الرئيس عبد الفتاح السيسي، في مؤتمر الشباب الذي عقد في إبريل الماضي.

وأضافت ياسمين في تصريحات لـ"الوطن": "أبلغونا إن الدخل اليومي بتاعي أنا وأصحاب العربيات التانية هيتم تحصيله من كاشير واحد تابع للمستأجر الجديد للأرض اللي مخصصها الحي لأصحاب المشاريع الصغيرة وهيحصل كل يوم 20% من المكسب بتاع كل واحد".

وأبدت ياسمين استغرابها الشديد من هذا القرار رغم حصولها على التصاريح والتراخيص اللازمة للبيع في هذه المنطقة بأوامر من الرئيس عبدالفتاح السيسي، قائلة: "أنا أتعب واشتغل وياخد آخر اليوم من تعبي 20% ليه! الريس بيحاول يعمل حاجة كويسة وبيقف جنب الشباب وأنتو بتدمروا مجهوده".

حاولت صاحبة عربة البرجر الاتصال بالمسؤولين بالمحافظة دون رد حتى الآن: "محدش بيرد عليا خالص وهروح ليهم أفهم ليه كل ده بيحصل رغم إن معايا تصريح بالوقوف في الساحة دي من غير ما يجبروني أدفع 20% من مكسبي كل يوم".

واشتكت صاحبة عربة البرجر من الفوضى في المكان: "بقى واقف جنبي أكتر من 25 عربية أكل ووقت البلدية ما بتعدي كله بيختفي لأنهم مش واخدين تصريح ومش معاهم ترخيص والمكان أصبح زحمة أوي".

يذكر أن ياسمين رُحيم صاحبة "عربة البرجر" هي المواطنة التي تحدث الرئيس عبد الفتاح السيسي، عن مشروعها الخاص والمتمثل في عربة متنقلة لبيع البرجر المشوي فيحي شيراتون ومعاناتها بسبب ملاحقة الحي لها، على الهواء مباشرة أمام الحضور وطالبهم بتسهيل إجراءات التراخيص لها، خلال مؤتمر الشباب الذي عقد بمحافظة الإسماعيلية، في أبريل الماضي.