السيسي يتعجل مشروع "منظومة المعلومات": "هنوفر كل الموارد بس سنة كتير"
السيسي يتعجل مشروع "منظومة المعلومات": "هنوفر كل الموارد بس سنة كتير"
قال الرئيس عبد الفتاح السيسي، إن انتهاء مشروع "منظومة المعلومات المتكاملة" سيعطي المواطنين شعورا أكبر بالانتماء للدولة.
وأضاف السيسي، خلال جلسة "منظومة المعلومات المتكاملة" في مؤتمر الشباب، "بعد ما المشروع ينتهي، تصوروا لو أسرة العائل الوحيد لها توفى وهو مصنف عندنا من الأسر الأكثر احتياجا، تصوروا مدى الكرامة والإحساس بحضور الدولة والانتماء لها، لما الأسر تلاقي مساهمة مالية شهيرة لحين تحسن الأوضاع؟ تخيلوا لو بتحصل حالات طلاق، البيانات ممكن تعمل معانا إيه؟ الحالة دي هتخلينا نعمل تشريع عشان نخصم من الزوج وننفق على الزوجة".
وأضاف السيسي: "أنا معرفش هتقدروا تخلصوا كل الحاجات دي إزاي.. بس أنا محتاج الكلام ده إمبارح، والمواطنين هيحسوا بده بشكل حاسم، والدولة المصرية مكانتها وهيبتها هتبقى حاضرة لما نخلص، وأي تكلفة مالية لهذا المشروع إحنا مستعدين بس قولولي إمتى".
ورد أحد قيادات المشروع أنه في خلال 6 أشهر يمكن الانتهاء من المشروع وممكن نخلص قاعدة بيانات الكهربا، وفي خلال سنة ونصف ننتهي من كل المشروع بنسبة 100%، فعقب السيسي السيسي: "كتير جدا.. إنت كده بتأجل الاستفادة الحقيقية، طب ليه؟ موارد هنحط، وبلاش الاستعجال يكون على حساب الجودة والجدارة؟ هقول توقيت ولا هظلمكم معانا.. أنا عايز المشروع إمبارح.. أنا مستعجل جدا غصب عني"، فردت قيادات المشروع: "سنة إن شاء الله يا ريس"، ليرد السيسي: "كتير برضه".
