عماد متعب يتصدر بـ"تويتر".. ونشطاء: "عارفين قيمتك"

04:45 م | الأحد 23 يوليو 2017

تصدر هاشتاج اللاعب عماد متعب، قائمة الأكثر تداولا على "تويتر"، إزاء كواليس أزمته أمام لقاء الفيصلي الأردني، ورفضه إجراء عمليات الإحماء، والمشاركة في المباراة، وتداولت تقارير صحفية رفضه النزول، كتغيير ثالث للفريق، بدلا من عمرو جمال.

وغرد محمد كمال، أحد رواد "تويتر"، أن أزمة متعب هي أزمة مصر مع كل شخص بيدي لها الكثير، وبيعمل إنجازات، وبيقى الجزاء هو "مصير خيل الحكومة"، والتعامل كأنه أصبح "عبء مش رمز".

وغرد أحمد نجم، أحد رواد تويتر "حقك على راسنا، عارفين قيمتك كويس، وعمر ما حد يوقع بين جمهور الأهلي وعماد، وهتفضل طول عمرك حبيب الأهلاوية".

وغرد بلال حمدي، "أنت وكابتن حسام أهم عندنا كجمهور من البدري وطاهر، و قيمتكم عندنا أغلى بكتير، استحملوا الإهانة، كلها كام يوم والخطيب يرجع لينا".

وكتب محمد الدالي،"عماد متعب لاعب محترم، ومن جيل المهاجمين اللي صعب هيرجع، أو نشوف حد زيهم، وهما ميدو، وعمر زكي ومتعب، لكن للأسف محدش مقدرك".

وغردت سلوى جمال، سيبقى حسن، ومصطفى يونس، والحضري، وشوبير، خارج قائمة شرف الأهلاوية، وسيبقى عماد متعب أحد أصولها، مهما نشط نافخو الكير.

وغردت سارة محمد، "إحنا وراك ومعاك على طول، وأنت فوق راسنا يا متعب".

وغرد حسين، "مش عماد متعب اللي يتعمل معاه كده، وغلط وعيب يتعمل مع واحد بقيمة وقامة متعب الكلام ده، ياريت ياخد فرصته".

وغرد محمد أبو سريع، "من أهلاوي صميم إلى عماد متعب، ارحل فإنهم لا يقدرونك"، كما غرد يوسف جمال، لما تقول لأي لاعب يقوم يسخن عن طريق عامل غرف، تبقي مهزلة، ما بالك لما بيقى اللاعب ده عماد متعب، مع احترامي لـ"عم حارس".