مطعم يمنح وجبة مجانية لأصحاب "المجاميع الضعيفة" في الثانوية العامة

03:05 م | السبت 22 يوليو 2017

بعد ظهور نتيجة الثانوية العامة، كرمت عدة جهات واحتفلت بالمتفوقين الحاصلين على مجموع كبير بطرق مختلفة بخلاف هدايا الأهالي لهم، إلا أن أصحاب المجاميع الضعيفة لم يكن لهم نصيب من ذلك كأمر طبيعي، ولكن على غير العادة قرر أحد المطاعم منحهم بطاطس ومشروب مجانا، مقابل إرسال ما يثبت ضعف مجموعهم.

لكل طلاب الثانوية العامة 2017 قررنا نهنئ الناجحين على طريقتنا، أي طالب مجموعه من 55% لـ40% أي أوردر هيطلبه هينزله بطاطس ومشروب غازي مجانا".. بهذه الطريقة يكرم فريق عمل المطعم أصحاب المجاميع الضعيفة في لافتة منهم أن كل الناس تكرم المتفوقين فقط فقرروا الخروج عن المألوف وتكريمهم لعدة أسباب وفقا لأحد أصحاب المطعم.

جاءت الفكرة لدى أصحاب المطعم لعدة جوانب، "إحنا عندنا إيمان أن التعليم في مصر مش هو المعيار على النجاح بعد كده، إحنا نعرف ناس كتير مجابتش مجاميع في الثانوية العامة وبعد كده في عملهم كانوا كويسين وناجحين في حياتهم"، وعلى جانب آخر ألا يكون المتفوقين فقط هم من يُكرمون.

واقتصر هذا العرض فقط لأصحاب المجاميع الضعيفة، من خلال إرسال رقم الجلوس أو صورة من النتيجة، على الحساب الرسمي للمطعم على "فيس بوك" للتأكد من المجموع "بنحاول نوري الناس الجانب المشرق في الحياة، أن حياتك مش هتتوقف هنا".

وبمجرد نشر هذا العرض على صفحتهم على "فيسبوك" انهالت التعليقات عليهم وإشارة الأصدقاء لبعضهم من ضمنها "طيب مش كان زماننا دلوقتي بناكل هناك.. بدل كلية طب اللي دخلناها دي"، "ما يلا نحتفل بنجاحنا"، "حلو أوي الموضوع ده أنا عايد الثانوي 3 مرات قبل كده"، "نفعتنا بإيه الـ99.5 بتاعتك دي دلوقتي يعني ها"، "الحمد لله لقينا حد يكرمنا"، "اتبسطي هاتكلي ببلاش خالص".