«بوجى وطمطم» على كوبرى ستانلى: قول للزمان ارجع يا زمان

10:26 م | السبت 10 يونيو 2017

ما إن ظهروا على كوبرى ستانلى بالإسكندرية، حتى تجمّع المارة حولهم لالتقاط الصور التذكارية معهم، لم يجد فريق «حكايين» طريقة لإسعاد المارة على كورنيش الإسكندرية سوى ارتداء ماسكات الشخصيات الرمضانية الشهيرة «بوجى وطمطم وفطوطة» والوقوف أعلى كوبرى ستانلى لرصد ملامح الفرحة على الوجوه، وتذكير المواطنين برمضان زمان.

وسادت حالة من البهجة والفرحة بين الأهالى كبار وصغار، بمجرد رؤيتهم تلك الشخصيات المحبّبة إلى قلوبهم، التى افتقدوها طوال السنوات الماضية، وحسب أحمد سليمان، 24 سنة، خريج كلية التجارة: «واحنا واقفين على الكوبرى لاقينا فطوطة وبوجى وطمطم ففرحنا لأنها فكّرتنا بأيام زمان، أيام لمة العيلة، رمضان كان ليه طعم تانى غير دلوقتى خالص».

على كوبرى ستانلى وقفت نهى صلاح، 31 سنة، تلتقط صوراً تذكارية لأطفالها مع الشخصيات الرمضانية: «حيفضل بوجى وطمطم وفطوطة وعم شكشك وبكار همّا رمضان والفرحة القديمة اللى كنا بنحس بيها، كانت قصص حلوة من غير ألفاظ خارجة ولا سلوكيات غير لائقة».

محمد هشام، مسئول «عيلة الحكايين»، حاول إفهام المارة فكرة برنامج «عيلة الحكايين» الذى يهدف إلى الوجود فى الشارع لإسعاد الناس.