بالفيديو| بطل إعلان "التكييف": العرق كان فازلين.. ومفيش داعي للاشمئزاز

11:28 ص | الجمعة 09 يونيو 2017

"رجل يجلس على سرير داخل غرفة نومه، يستيقظ وجسده مبلل بالعرق ويشكو من درجة الحرارة المرتفعة".. مشهد في إعلان لشركة تكييفات شهيرة، أثار ضجة على مواقع التواصل الاجتماعي، بين مؤيد لفكرة الإعلان التي قال إنها "بتوصل الرسالة"، وبين معارض للمشهد ووصفه بـ"المقرف".

"الوطن" التقت أحمد وفيق ممثل الإعلان، الذي كشف عن كواليس الإعلان، وما تلاه من ردود أفعال، يقول: "استغرق تصوير الإعلان 12 ساعة، منذ الثانية والنصف ظهرا وحتى الواحدة والنصف فجرا، وكان المخرج حريصا على حذف أي لقطة قد تؤدي إلى إيحاءات، لتفادي خدش حياء المشاهدين".

يقول وفيق عن كواليس الإعلان: "جالي شد عضلي وإحنا بنصور، لأني نمت على السرير حوالي 8 ساعات على شكل حرف V عشان ده كان (راكور) في التصوير، وفي آخر شوت من الإعلان جالي مستر محمد ودهنلي (فازلين) على كتفي وهزر معايا، وقالي انت كده ضيعت مستقبل ناس كتير، وكده مستقبلك هيضيع، لكن أنا مش زعلان منه".

{long_qoute_1}

"في ناس كلمتني على (فيس بوك) وقالتلي ليك حق ترفع قضية وتاخد تعويض".. جانب من ردود الفعل التي رواها وفيق، والتي علق عليها قائلا: "طبعا مينفعش أعمل حاجة زي كده، العرق كان زيادة شوية، وكان المفروض أبص لبطلة الإعلان اللي كانت بتمثل دور مراتي وأقولها صباح الخير يا هانم، وقولتها بكذا شكل، بس كان إعلان لطيف والله، ومفيهوش أي شيء يدعو للاشمئزاز، وبعدين كل الرجالة مشعرين، ليه حطوا الحتة السلبية عليها".

نال وفيق شهرة واسعة بعد عرض الإعلان، لكن الشهرة لها ضريبة، يقول: "في ناس كتير ضافتني على الفيس، لكن في حاجات ضايقتني، وبعض التعليقات معجبتنيش، في ناس شتمت بطريقة مش طبيعية، والمفروض إننا معروفين بأخلاقنا وتقاليدنا، وأنا أخوكم يعني بالراحة، انتقد زي ما انت عايز بس بالراحة".