أيمن وتار يرصد "الخطايا السبع" عند المصريين على "إينرجي"

05:23 م | الاثنين 05 يونيو 2017

خصص أيمن وتار حلقة اليوم من برنامجه "مغلق للصيام" على راديو إينرجي تردد 92.1 للحديث عن الخطايا السبعة المصرية، وكانت الخطيئة الأولى "الطفاسة" لدى المصريين وخاصة عند تناول الطعام والفطار.

وكانت الخطيئة الثانية "الفشخرة" التي ترتبط بالطفاسة خاصة العزومات التي تتم في رمضان، حيث قال "الشخص يبقي عازم اتنين وتلاقي السفرة مفيش فيها مكان من كثرة الأكل"، ووجه نصيحة للمستمعين "لو بتحب الفشخرة يبقي أعملها على حد متعرفهوش".

وتابع الخطيئة الثالثة مبدأ المصريين هو "داري على شمعتك تضيء" وكشف وتار أن هذا المبدأ يظهر في المذاكرة وفي الزواج خاصة عند الفتيات حيث قال "تلاقي البنت اختفت مرة واحدة من غير ماتقول وبعد فترة تلاقي صورتها في الخطوبة وتخبىء الأمر على أعز صديقة عندها" .

وعن الخطيئة الرابعة المصرية قال هي "القفش" مشيرًا إلى أن هناك عوامل كثيرة تسبب في الغضب بشكل سريع سواء في البيت وفي الشغل من مديرك، مضيفًا "في شهر رمضان القفش عند المصريين بيزيد والناس كلها قافشة على بعض ليه متعرفش" .

وأضاف وتار أن الخطيئة الخامسة هي "الحشرية" وهي من أسوء الخطايا في المجتمع المصري ومن أمثلة الحشرية لما تبقي راكب في المواصلات العامة وتلاقي حد بيبص في موبيلك"، وتابع" أقبح مثال للحشرية هو طنط من أصحاب مامتك وجملتها الشهيرة إيه يابنتي مش هنفرح بيكي، طب مفيش حاجة جاية في الطريق".

وكانت الخطيئة السادسة هي "التحوير" ومن أشهر الأمثلة عليها مقولة الأطفال "الشنطة فيها كتاب دين"، وفي مرحلة المراهقة "التحوير" يتمثل في حوارات الشاب على الأب للحصول على الأموال منه، وأضاف "الصنايعة وسواقين التاكسي هم أكثر ناس بيعملوا كده".

وختم الخطيئة الأخيرة هي " الأنتخة" عند المصريين وقال مش هتكلم عنها علشان أنا مروح أنتخ في البيت.