بالصور| "نوتيلا كار" رجعت للمعادي: "الأسعار كويسة والناس بتحبها"
بالصور| "نوتيلا كار" رجعت للمعادي: "الأسعار كويسة والناس بتحبها"
في شارع الخمسين بالمعادي، أحد أعرق شوارع المنطقة الراقية، يقف شاب الثلاثيني أحمد جمعة، بعربة تقدم "الوفلز" و"الكريب"، مدشنا لظاهرة غزو عربات الحلوى الأماكن المرفهة.
"الصيف داخل وواقفة الشارع واللمة هاتبقى أحلى، علشان كده خرجنا للشارع تاني ومستنينكم في نفس مكانا وبشكل جديد"، لافتة توسطت عربة "نوتيلا كار" التي تقدم الحلوى، أملا في جذب المارة للشراء، "بدأت من شهر 8 اللي فات وكنت شغال بعربيتي الملاكي، واشتغلت 5 شهور وبعد كدة قفلتها، وفتحت محل صغير وكنت بعمل وفلز وكريب".
اعتبر أحمد، في حديثه لـ"الوطن"، أن أسعار منتجاته جيدة ما يشجع المارة على الشراء "أسعاري كويسة وناس كتير بتجيلي، ولما وقفت المشروع فترة ورجعت تاني الناس ماكنتش عارفة إني فتحت محل صغير في شارع داخلي".
عن بداية فكرة "نوتيلا كار"، قال جمعة: "الفكرة جت من مراتي بعد ماسبت شغلي في السعودية ورجعت مصر أدور على شغل، قعدت في البيت 4 شهور، وطبعا أنا فاتح بيت وعندي أولاد، فكنت لازم أنزل أشتغل عشان نعرف نعيش، وفعلا بدأت أشتغل وأعمل (وفلز) وأبيعها بعربيتي الملاكي، ومن هنا جتلي فكرة عربية الشارع واخترت اسم (نوتيلا كار)، وبحاول أحافظ على مشروعي جدا خصوصا بعد ماحسيت إنها أقرب للناس وسريعة جدا، وفكرت إن أوصل طلبات للمنازل كمان".
