فن بره الصندوق: «آية» ترسم على قشور المكسرات وقوالب الطوب وأكياس الشاى

فن بره الصندوق: «آية» ترسم على قشور المكسرات وقوالب الطوب وأكياس الشاى
- أكياس الشاى
- تعليم الأطفال
- عين الجمل
- كلية الآداب
- ورش مجانية
- آية
- أدوات
- أكياس الشاى
- تعليم الأطفال
- عين الجمل
- كلية الآداب
- ورش مجانية
- آية
- أدوات
أدواتها فى الرسم مختلفة، ليست مجرد أوراق بيضاء وأقلام وألوان، بل قشور المكسرات مثل «البندق وعين الجمل واللوز»، لا تستخدمها فى الرسم عليها فقط بل فى صناعة حلى منها وتقديمها كهدايا لصديقاتها، آية حافظ (26 عاماً)، تستخدم ألوان المياه فى الرسم على قشور المكسرات: «كنت عايزة أقدم حاجة مختلفة يفتكرونى بيها.. فجبت عين الجمل ورسمت عليه الدعسوق وقفلته وركبت له سلسلة»، انبهرت صديقاتها من هداياها ما دفعها لتكرارها: «أى حاجة معمولة بالإيد ومخصوص حتى لو صغيرة تتحب».
«الدعسوق، العقرب، البومة».. أكثر الأشكال التى رسمتها «آية» فوق المكسرات: «تشوفها تقول حيوانات بجد.. دا فيه ناس كانت بتخاف بجد لما أقدمها لهم»، على الرغم من اختلاف مجال دراستها فى كلية الآداب، عن هواية الرسم، فإنها تمتلك جاليرى، تقوم فيه بتعليم الأطفال الرسم من خلال ورش مجانية.
تقضى الفتاة العشرينية أغلب وقتها ما بين المكسرات: «ساعات بستنى أهلى ياكلوا المكسرات ويخلصوها وامشى وراهم آخد القشر وأرسم عليه»، تستغل «آية» أكياس الشاى عقب جفافها لرسم الورود والفراشات حتى تبدو بشكل أجمل كما ترسم «آية» فوق الطوب الذى تصنع منه أشكالاً تبدو مثل «الجواهر» اللامعة وتضعها فى أرجاء غرفتها.