كشك كهرباء مفتوح بمحيط شركة القاهرة الجديدة.. "باب النجار مخلع"
كشك كهرباء مفتوح بمحيط شركة القاهرة الجديدة.. "باب النجار مخلع"
- أعمدة الكهرباء
- القاهرة الجديدة
- سميرة أحمد
- شركة الكهرباء
- شركة كهرباء
- أبواب
- أزمة
- أعمدة الكهرباء
- القاهرة الجديدة
- سميرة أحمد
- شركة الكهرباء
- شركة كهرباء
- أبواب
- أزمة
أسلاك متداخلة تصدر شررًا يسمع المارة تلامسه، تظهر بوضوح من كشك كهربائي بدون أبواب على رصيف شركة الكهرباء بالقاهرة الجديدة، مشهد استرعى انتباه سميرة أحمد، أثناء زيارتها للشركة في كل مرة، فمشهد الأكشاك المفتوحة بمحيط المبنى يرعب الجميع.
"باب النجار مخلع".. جملة لخصت بها السيدة الأربعينية مشهد أعمدة الكهرباء المكشوفة بمحيط شركة الكهرباء، فلا تجد سببًا أو مبررًا واحدًا لهذا الإهمال، فهي تتعجب من تجاهل المسؤولين لمشهد أكشاك الكهرباء المفتوحة، سواءً بالجهاز أو شركة الكهرباء نفسها: "مفيش مسؤول من أي جهة حاول إصلاح الكشك، أو وضع باب يقفل على الأسلاك العريانة في الشارع وممكن تعمل كوارث، ولحماية الأهالي والمارة من الخطر اللي بيسببه".
الأزمة نفسها يؤكدها "أحمد مجدي" القاطن بالمنطقة، حيث يقول: "بقالنا 5 شهور بنشتكي من أبواب الأكشاك المفتوحة ومحدش بيعمل حاجة، ممكن أي طفل يتكهرب وفعلاً كارثة".
"صناديق الكهرباء خارج اختصاصنا وهي مسؤولية الجهاز"، قالها "أ.م" مسؤول بشركة كهرباء القاهرة الجديدة، مؤكدًا أن موظفي الشركة متضررين "زي السكان واللي ماشين في الشارع بالظبط، وحاولنا نتواصل مع الجهاز لكن للأسف مفيش تعاون، والناس فاكرة اننا السبب".
