محمد أنور في عيد ميلاد "مصطفى خاطر": وقف ضدي وطردني

هنأ الفنان محمد أنور نجم "مسرح مصر"، زميله الفنان مصطفى خاطر بمناسبة عيد ميلاده على طريقته الخاصة.

وكتب "أنور" عبر حسابه الشخصي على موقع تبادل الصور "انستجرام": "أول حد قابلته لما دخلت فريق التمثيل في كليه حقوق جامعه عين شمس، وأول حد وقف ضدي من أول ما دخلت الفريق، وطردني من الفريق كذا مره".

وأضاف "أنور"، "كنت ساكن جنبه، وكنت أروح معاه باليل ويطردني تاني يوم الصبح، كان دايمًا مش حابب وجودي، وأنا كنت بتمني إنه يتخرج بقي، أو يهاجر، أو يتسجن مثلاً، المهم مشفهوش تاني، وبعدها كان أول واحد أمثل معاه في فريق الكلية، وبقينا أصحاب أوي، وكان بيقول لكل الناس ده ابني وبقينا نروح سوا ونيجي سوا، وفرح أوي لما اكتشف إني ساكن جنبه، رغم اني كان بقالي سنتين بروح معاه ولا كأنه واخد باله".

وتابع "أنور"، "وأول واحد خلاني أقف، وأمثل علي مسرح جامعة عين شمس، وأول حد إداني بطولة مسرحية، رغم إني كنت لسه جديد بالنسبة للجامعه وخلي الجامعه كلها تحبني وبعدها كان دايماً أول حد في كل حاجه حلوه في حياتي، فخور بنجاحه وأكتر حد فرحان علشانه، لأني شوفت معاه سنين كتير كلها تعب وشقي، كل سنه وانت طيب يا صاحبي اللدود".

• الفنان مصطفى
• جامعة عين شمس
• جامعه عين شمس
• عيد ميلاده
• مصطفى خاطر
• الفنان مصطفى
• جامعة عين شمس
• جامعه عين شمس
• عيد ميلاده
• مصطفى خاطر