الآية اتعكست: أهالى «صقر قريش» ينظفون الشوارع.. وعمال الحى يرمون الزبالة

08:25 م | الخميس 19 يناير 2017

لم يعد فى مقدورهم الصبر على شوارعهم، سكان صقر قريش بالمعادى ضاقوا ذرعاً من أكوام القمامة التى تملأ الشوارع وتنبعث منها الروائح الكريهة، فقرروا تنظيفها، لكن سرعان ما عادت القمامة إلى وضع أسوأ مما كانت عليه، ليكتشفوا أن عمال نظافة تابعين للحى يرمون المخلفات فى الشوارع. «الآية اتعكست، بقينا إحنا اللى ننضف الشوارع والحى هو اللى يرمى»، كلمات محمد شديد، أحد أهالى صقر قريش، أحد المتضررين من أكوام القمامة التى لا تنتهى بشارعه، يرى الرجل الثلاثينى يومياً عمال النظافة يفرغون حمولة القمامة بالشوارع الجانبية فى وضح النهار: «استأجرنا أكتر من مرة عربيات عشان ترفع الزبالة من الشوارع، لكن مفيش دوريات على صناديق القمامة، ومن الواضح إن مفيش رقابة كمان على عمال الحى، لأنهم بيلموا الزبالة من الشوارع الرئيسية ويرجعوا يرموها فى الشوارع الجانبية».

تكاليف باهظة يتحملها «محمد» والأهالى لرفع المخلفات من الشوارع أسبوعياً: «بننقل أنا وجيرانى الزبالة اللى فى شارعنا، بس الزبالة اللى فيه بـ300 جنيه فى الأسبوع، بنجمع من بعض ونتفق مع عربية تيجى تشيل الزبالة وترميها فى مقلب مخصص وبطريقة آمنة». أزمة أكوام القمامة بشوارع صقر قريش يبررها أحمد سيد، نائب رئيس حى المعادى، بأنها جزء من ممارسات الأهالى أنفسهم، مضيفاً أن إلقاء عمال النظافة التابعين للحى المخلفات بالشوارع الجانبية أمر غير مقبول، ويجازى عليه العمال: «اللى يشوف مخالفات زى دى يصورها ويبعتها للحى، وإحنا هنتصرف».