ناهد السباعي ترد على منتقدي "هبة رجل الغراب": "اتشتمت في كل حتة بالشوارع"

04:44 م | الخميس 12 يناير 2017

ردت الفنانة ناهد السباعي، على الانتقادات التي تعرضت لها والهجوم الشديد على مسلسلها "هبة رجل الغراب" التي قدّمته خلفًا للفنانة إيمي سمير غانم.

ونشرت "ناهد" عبر حسابها الرسمي على "إنستجرام"، عدة تعليقات من الجمهور، متسائلين عن موعد عرض الجزء الرابع من المسلسل، معلقة: "ربنا وحده اللي يعلم قد أيه أنا تعبت قوي لحد ما شوفت الكومنتات ديه مفيش حد في الدنيا يستحمل أنه حتى وهو بيصور يتشتم في كل حتة حتى الشارع قدام كل الكرو".

وأضافت "اكتئاب ورعب وقلق وقلة نوم وقلة أكل مكنش فيه حد في الدنيا واقف جنبي غير أمي طبعا وأهلي وأصحابي و Sally Fayez حتى أستاذ عمرو كان شايف أنه فاشل جدا.. اللي يقولي حرام عليكي تعملي في نفسك كده واللي يقولي أنتي ممثلة جامدة ضيعتي كل الي عملتيه واللي شايف أني هفشل واللي شايف أن النجاح الرهيب لهبة عمره م هيرجع تاني اللي يقولي أنت في مكانة جامدة في السينما دمرتي مستقبلك بهبة.. دمار نفسي رهيب وأنا بصور".

وجهت الشكر لكل من ساندها قائلة: "شكرا لكل الناس اللي وقفت جنبي شكرا لكل فريق عمل (هبة رجل الغراب) من أول حد لأصغر حد استحمل معايا كتير ووقف جنبي وشجعني وأمن فيا شكرا برضة لكل الناس اللي خلوني عندي تحدي كبير أني اثبتلهم عكس كلامهم شكرا لأهلي وأصحابي وعلى رأسهم أمي اللي شافت معايا أيام سودة شكرا حبيبتي لبعد نظرك وثقتك فيا #هبة_رجل_الغراب".