مواطن يقدم حلاً لمشكلة «كتاب المدرسة»: اطبعوا عليه إعلانات

08:32 م | الجمعة 30 ديسمبر 2016

فكّر كثيراً فى أمر الكتاب المدرسى، كيف يحوله إلى اداة تكسب منها الدولة، انشغل المواطن «محمود المنسى» بالأمر كثيراً، حتى وصل إلى فكرة أراد طرحها وتوصيلها للمسئولين: «عملت بحث، وتوصلت إلى إننا ممكن نطبع إعلانات على كتاب المدرسة عشان نوفر دخل نستفيد بيه فى حل مشاكل تانية». قال «المنسى» المنسق الإعلامى لمؤسسة «أولاد الأرض» لحقوق الإنسان: «السنة دى حصل أزمة كبيرة فى طباعة الكتاب المدرسى، بسبب ارتفاع سعر الدولار، ومطابع مش عايزة تطبع، وعايزة تزود الأسعار، واحتمال كبير طلبة ماوصلتلهمش كتب، ففكرت إزاى نحول الخسائر إلى مكاسب، ووصلت لحل يحتاج لتنفيذ». طباعة إعلانات على الكتاب المدرسى، هى الفكرة التى سجلها فى الإدارة العامة لحقوق المؤلف بوزارة الثقافة: «الوزارة بتطبع فوق المليون كتاب كل سنة، فدى فكرة بسيطة لو حصلت هتوفر كتير جداً». لو تم عمل مزايدة مع شركات الإعلانات الكبرى لطبع إعلانات على الكتب المدرسية ستتوفر للوزارة والمطابع مصاريف كبيرة: «كده الوزارة هتكسب ومش هتخسر، وممكن نوفر كتب للطلبة غير القادرين على دفع مصاريف المدارس».