بالصور| "قفل الحب" يهاجر من فرنسا إلى الإسكندرية بتوقيع "جوليا وفادي"
بالصور| "قفل الحب" يهاجر من فرنسا إلى الإسكندرية بتوقيع "جوليا وفادي"
على طريقة "جسر العشاق" في فرنسا والذي يتوافد إليه العشاق من جميع أنحاء العالم لوضع أقفال يكتبون عليها أسماءهم، وإلقاء المفاتيح في نهر السين الشهير، قرر الثنائي جوليا جورج وفادي ويليام، اتباع هذه العادة في مصر لأول مرة على كوبري استانلي بالإسكندرية.
يعتبر كوبري ستانلي هو المكان الأكثر قربًا لقلب "جوليا وفادي" اللذين تجمعهما قصة حب منذ 3 سنوات، ففيه كان اللقاء الأول والعديد من اللقاءات الأخرى بينهما.
وتقول جوليا، صاحبة الـ21 عاما، لـ"الوطن": "كوبري ستانلي مكان مهم جدا بالنسبة لينا، خصوصا إنه أول مرة خرجنا قعدنا هناك وكنا دايما بنروح نقعد هناك ونقرا الكلام المكتوب على سور الكوبري بين أي اتنين بيحبوا بعض وفي مرة سافر فادي فرنسا وصورلي كوبري السين واتفقنا لما نسافر مع بعض هنحط قفل باسمنا عليه وكان مجرد هزار".
قرر فادي إعداد مفاجأة لـ"جوليا" وأحضر قفلا وكتب عليه الأحرف الأولى من أسمائهم ووضعوه على كوبري ستانلي، وتقول جوليا: "المرة دي لقيت فادي جايب قفل ومفتاحين وعليه حروف أسامينا وقالي إحنا هنبقى أول ناس نعملها في مصر عشان نسيب ذكرى من غير ما نبوظ حاجة".
