«ندى» تخصصت فى «ميك أب» الرعب.. ناس ليها «حب» وناس ليها «هالوين»

07:48 م | الخميس 03 نوفمبر 2016

فى الوقت الذى يستعد فيه البعض للاحتفال بعيد الحب مع قدوم شهر نوفمبر يحتفل آخرون بعيد «الهالوين»، وهو طقس غربى التف حوله العديد من الشباب والفتيات مؤخراً، وبالرغم من أن معظم الدول تحتفل به فإن مظاهر الاحتفال لا تتشابه، بل تختلف باختلاف الثقافات، فلكل دولة طقوسها فى مظاهر الاحتفال، ولكن يوجد شىء مشترك ودائم من مظاهر الاحتفال ولن يكتمل الزى التنكرى فى الهالوين بدونه، وهو عمل «مكياج الهالوين المخيف» بأشكاله المختلفة. فى ظل تلك الموجة والأجواء الجديدة علينا فى مجتمعنا، انفردت ندى ناصر، خبيرة التجميل والميك أب، بالتخصص فى مكياج الهالوين، التى تعتبر الفريدة فى هذا المجال بمصر، وبالرغم من عدم انتشار تلك الثقافة كثيراً فى مجتمعنا فإنها خلقت لنفسها طريقاً مختلفاً فى مجال الميك أب من خلال صناعة وجه غريب مرعب وإطلالات جديدة مبتكرة.

{long_qoute_1}

تقول «ندى»: «مكياج الهالوين مش علام على قد ما هو موهبة»، هى مجرد اجتهادات تسعى لها «ندى» عبر أدوات ومواد خاصة بمكياج الهالوين، للحفاظ عليه أطول فترة ممكنة.

تابعت: «طبعاً تكلفة كل حاجة بجبها أو بعملها بتكون عالية شوية عن الميك أب العادى لأن بيكون فيه مواد سايلة كتير بحطها على طبقة الوش عشان تحميه وده بيكلف كتير، والتكلفة طبعاً كانت السبب فى إنى أخاف فى الأول أتخصص فى الموضوع ده لكن بعد كده لقيت إن الفئة اللى باتعامل معاها مقدرة ده خصوصاً إن الشباب من سن 16 سنة لفوق هما دايماً اللى بيجولى وبيهتموا يحتفلوا بيوم زى ده ويعملوا ميك أب الهالوين».

{long_qoute_2}

الطريق لم يكن ميسراً فى بدايته إذ تقول: «التخصص فى مجال مكياج الهالوين مش سهل، كانت الدنيا متقفلة قدامى فى الأول عشان تعرف الناس إيه هو مكياج الهالوين وإيه الأشكال اللى ممكن نعملها وإن كل ده أكيد مش هيكون ضار للبشرة، وثقافة إن إحنا نحتفل أصلاً بيوم زى ده وهو طقوس وعيد غربى مش شرقى».