شقيق شهيد الصاعقة لـ"السيسى": "خلصنا من الخونة"

07:20 م | الأحد 30 أكتوبر 2016

بدموع حارة وأحزان قاسية، طالب حسانين محمد حسانين، الشقيق الوحيد لشهيد سيناء قائد كتيبة 103 صاعقة، العقيد رامى محمد حسانين، الرئيس عبدالفتاح السيسى، بالقصاص لشقيقه ولجميع شهداء الوطن، من الخونة والقتلة والإرهابيين، قائلًا: "كفاية كده، خلصنا بقى من الخونة والمجرمين، عاوز حق أخويا وحقوق كل الشهداء، عاوزين حق مصر يا ريس من الخونة اللى فى الداخل واللى فى الخارج".

وتابع شقيق الشهيد ابن مدينة إيتاى البارود فى البحيرة، الذى اغتالته يد الإرهاب والخسة، بتفجير مدرعته بعبوة ناسفة فى سيناء،: "عاوزين حق الناس الغلابة من المجرمين، عاوزين حق الغلابة من محتكري السكر واللى بيتاجروا بقوت الغلابة، خلصونا من الخونة والإرهابيين، أنا مستعد ألبس أفرول وأروح أحارب فى سيناء عشان مصر".

وكان الآلاف من أهالى مدينة إيتاى البارود، شيّعوا اليوم، جثمان الشهيد إلى مثواه الأخير، فى جنازة عسكرية وشعبية مهيبة، تقدمها محافظ الإقليم الدكتور محمد سلطان، ومدير الأمن اللواء علاء الدين شوقى، واللواء أيمن شحاتة رئيس أركان المنطقة الشمالية العسكرية، واللواء ممدوح جودة قائد قوات الصاعقة.